Тыдзень малітвы за агульнанацыянальнае паразуменне ў Мексіцы.
Біскупы Мексікі арганізуюць тыдзень малітваў за нацыянальнае прымірэнне. Iніцыятыва,
мэта якой знайсці паразуменне паміж насельніцтвам краіны, пройдзе з 31 ліпеня да 6
жніўня. Пасля апошніх прэзідэнтскіх выбараў палітычная сітуацыя ў краіне застаецца
вельмі напружанай. У сваёй заяве біскупы адзначылі, што, “нягледзячы на ўсе ідэалагічныя
супярэчнасці, мы маем адзіную гісторыю, каштоўнасці і лёс, якім цяпер пагражае небяспека.
Таму што кожная сямья мае права на ўласнае меркаванне, не павінна стварацца ніякіх
асноў для нянавісці і гвалту, якія заўсёды безкарысныя і годныя асуджэння”. “Каталіцкая
Царква заклікае ўсіх мужчынаў і жанчынаў добрай волі паважаць закон і прыкласці ўсе
намаганні ў справе асягнення прымірэння, дыялога і ўзаемапаразумення. Царква таксама
заклікае насельніцтва краіны да спакою, цярплівасці і стрыманасці”, - адзначаецца
ў заяве мексіканскіх біскупаў. Яны падкрэслілі, што мінімальная перавага на карысць
аднаго кандыдата ў прэзідэнты над іншым прывяла да “шэрагу заўвагаў у адносінах дзяржаўных
устаноў краіны, якія з’яўляюцца гарантамі дэмакратыі ў грамадстве”. “Падлік галасоў
ужо завершаны, але іх юрыдычнага падцверджання яшчэ не было. Толькі тады ў нас з’явіцца
новы Прэзідэнт. Цяпер гэта пытанне вырашае Выбарчая камісія. На шчасце для нашага
грамадства, гэта ўстанова мае добрую рэпутацыю і самастойнасць, якая дазволіць ёй
прыняць справядлівае рашэнне”, - адзначаюць біскупы Мексікі.