Thirrje e re e Papës për paqen në Lindje të Mesme: askush të mos i shmanget detyrës
së paqes.
(6.8.06.RV)Papa, sot gjatë lutjes së mesditës të Engjëllit të Tenzot në Castel
Gandolfo, ka bër një thirrje të re paqeje “për popullsitë e Lindjes së Mesme të goditura
e të tronditura nga lufta vëllavrasëse”: dhe ka përkujtuar se askush nuk mund
t’i shmanget “detyrimit” të paqes, që është “angazhim që i takon të gjithë njerëzve
vullnet mirë”. Në festën e sotme të Shndërrimit të Krishtit mbi malin Tabor Ati
i Shenjtë Benedikti XVI përsëri, edhe një herë e lartoi fuqishëm zërin e tij në favor
të paqes në Liban e në Lindje të Mesme dh i ftoi të gjithë “t’i hapin sytë e zermës
mbi misterit e dritës së Zotit” që fiton mbi “pushtetin e errësirës të së keqës”.
Në festën e Shndërrimit të Jezusit mbi Tabor, Papa Racinger foli për dritën e jetës
dhe errësirën e së keqës dhe. “Drita – pohoi Ati i Shenjtë – është shenjë që na dëfton
dhe zbulon diçka prej Zotit: është si reflektim e pasqyrim i lavdisë së tij hyjnore”
dhe përshkruan “vet esencën e Zotit”. “në fytyrën e Jezusit shkelqen rrezja e dritës
hyjnore”, anticipim i Ngjalljes: “Ngjallja e tij (Krishtit) e ka zhbij për gjithmonë
pushtetin e errësirës të të keqit. Me Krishtin e ngjallur ngadhënjen e vërteta e dashuria
mbi gënjeshtrën e mëkatin. Në Të drita e Zotit e përfundimisht e shndritë jetën e
njerëzve e rrjedhën e historisë: ‘Unë jam drita e botës – pohon Ai në Ungjill -. Kush
më ndjek mua, nuk do të ecë në errësirë, por do ta ketë dritën e jetës” (Gjn 8,12). “Sa
nevojë kemi, posaçërisht në kohën tonë – theksoi Papa – të dalim nga errësira e së
keqës, për ta shijuar gëzimin e bijëve të dritës!”. E keqja, errësira janë lufta e
dhuna: e Papa ia besoi ndërmjetësimit të Virgjëres Mari dhuratën e paqes për popullsitë
e Lindjes së Mesme: “E dijmë fare mirë se paqja para se gjithashështë dhuratë e
Zotit, që duhet kërkuar me këmbëngulje përmes lutjes, por në këtë moment duam të kujtojmë
se paqja është edhe angazhim i të gjithë njerëzve vullnet mirë. Prandaj askush të
mos i shmanget kësaj detyre! Këndej, para konstatimit të hidhur se deri më tani nuk
janë dëgjuar zërat që kërkonin armëpushimin e menjëhershëm në atë rajon të torturuar
nga lufta, e ndjej urgjencën për të përsëritur e rinovuar thirrjen time në këtë kuptim,
duke i kërkuar të gjithëve të ofrojnë kontributin e tyre aktiv për ndërtimin e një
paqe të drejtë e të qendrueshme”.