Памёрлі кардынал Віллебрандс і былы Апостальскі нунцый у Беларусі монс.Монтальво.
2 жніўня раніцай на 96 годзе жыцця памёр галандскі кардынал Йоханнес Віллібрандс.
У свой час ён узначальваў Папскую раду да спраў хрысціянскай еднасці, і быў адным
з важнейшых каталіцкіх дзеячаў у галіне экумінізма. Свяцейшы Айцец Бенедыкт XVI° накіраваў
з нагоды смерці кардынала Віллібрандса дзве тэлеграмы: адну - кардыналу Адрыанусу
Йоханнесу Сімонісу – арцыбіскупу Утрехтскаму; а другую – кардыналу Вальтэру Касперу,
сучаснаму кіраўніку Папскай рады да спраў хрысціянскай еднасці. У сваіх тэлеграмах
Папа выказаў жалобу з нагоды смерці славутага кардынала і, адначасова, падзякаваў
Пана “за гэтага пастыра, нястомна служыўшага Народу Божаму і справе еднасці Царквы”,
які надаў “новы стымул экуменічнаму дыялогу”. Кардыналу Віллібрандсу павінна было
споўніцца 97 гадоў 4 верасня бягучага года. Ён быў высвячаны ў святары ва ўзросце
24 гадоў, вучыўся на філасоўскім факультэте рымскага Папскага універсітэта “Анджелікум”,
потым выкладаў філасофію ў Галандыі. Ён рана выявіў інтэрэс да справы еднасці хрысціянаў,
арганізаваўшы ў 1951 годзе каталіцкую канфярэнцыю да спраў экуменізма. У 1958 годзе
галандскія біскупы назначылі яго дэлегатам па экуменічным праблемам, а праз два гады
пасля гэтага Папа Ян ХХIII° назначыў яго сакратаром заледзьве створанага Сакратарыята
да спраў хрысціянскай еднасці, які пад час II Ватыканскага сабора займаўся – пад кіраўніцтвам
кардынала Бэа – падрыхтоўкай дакументаў, якія тычыліся экуменізма, рэлігійнай свабоды
і адносінаў з нехрысціянскімі рэлігіямі. Кардынал Віллібрандс быў хіратанісаны
ў біскупы ў 1964 годзе. Ён ажыццявіў шмат ініцыятыў па набліжэнню Каталіцкай Царквы
да праваслаўных, англіканаў і пратэстантаў. У красавіку 1969 года Папа Павел VI° назначыў
яго кіраўніком Сакратарыята да спраў хрысціянскай еднасці і ўзняў да кардынальскай
годнасці. У 1975 годзе нябожчык стаў прымасам Царквы ў Галандыі і напрацягу працяглага
часу выконваў абавязкі Старшыні Біскупскай канфярэнцыі краіны. I яшчэ адна жалобная
навіна. Дзяржаўны Сакратарыят Апостальскай сталіцы з жалем паведамляе аб смерці Яго
Эксцеленцы арцыбіскупа Габрыэля Монтальво і просіць Усемагутнага Бога падарыць яму
вечны пакой. Развітацца з нябожчыкам будзе магчыма 4 жніўня ў капліцы Святой Марыі
ў Ватыкане. Хаўтурная ж Богаслужба пройдзе 5 жніўня ў базыліцы Святога Пятра, яе ўзначаліць
Дзяржаўны сакратар Ватыкана, кардынал Анджело Содано. Арцыбіскуп Монтальво з 17
красавіка 1993 года да 24 лютага 1996 года выконваў абавязкі Апостальскага нунцыя
ў Беларусі.