Episkopatet e Evropës kritikojnë vendimin e Bashkimit Evropian për kërkimet shkencore
mbi qelizat staminale embrionale,
(31.7.06 RV)duke
e konsideruar si etapën e parë për shkatërrimin e embrioneve. “Disfatë në përpjekjen
për mbrojtjen e embrioneve” – ky është qëndrimi që mban Komisioni i Episkopateve të
Bashkimit Evropian (KOMECE) përballë këtij vendimi, i shprehur përmes një note të
nënshkruar nga kryetari, Imzot Adrian Van Luin, ipeshkëv i Roterdamit dhe nga sekretari
i përgjithshëm, Imzot Noel Treanor. Komece e quan “mashtrim” Deklaratën e përbashkët
të Komisionit Evropian dhe shton se ka rrezik të kthehet në etapë paraprake për shkatërrimin
e embrioneve njerëzore. E menjëherë pas këtij qëndrimi, Konferenca Ipeshkvnore
Italiane, duke shprehur mendimin e vet përmes një Komunikate e quan moralisht të papranueshëm
vendimin e Bashkimit Evropian për kërkimet shkencore në fushën e qelizave staminale
embrionale, duke theksuar se nuk mund të pranohet vizioni antropologjik, i cili nuk
e konsideron jetën njerëzore si qëllim, por si mjet për të arritur qëllime të tjera,
ndonëse fisnike, si mjekimi i sëmundjeve dhe thellimi i njohurive shkencore. Shkenca
duhet t’i shërbejë njeriut e jo të shërbehet prej tij – shkruajnë prelatët – posaçërisht
kur kemi të bëjmë me njeriun në gjendjen e tij më të brishtë. Kemi të bëjmë, pra,
me embrionin në ditët e para të jetës së tij. Kryesia e Konferencës Ipeshkvnore Italiane
u bën thirrje politikanëve të vendit ta ndalojnë, sa s’është vonë, këtë devijim etik,
që e redukton embrionin njerëzor në furnizues të mundshëm materiali biologjik. Kërkon
edhe që Bashkimi Evropian të mos e ndihmojë me financimet e veta, këtë atentat kundër
dinjitetit të njeriut, që tradhton vlerën themelore të jetës njerëzore, pa respektimin
e së cilës humbet kuptimin çdo vlerë tjetër individuale e shoqërore. Ndërsa episkopati
spanjoll kërkon të respektohet e drejta themelore e jetës që nga çastet e para të
saj. Konferenca ipeshkvnore spanjolle, në një notë, saktëson se Kisha e miraton
kërkimin shkencor në favor të njeriut, por është sidomos përkrah atyre që, në emër
të etikës, i denoncojnë programet shkencore, të cilat e venë në rrezik jetën njerëzore.
Edhe për ipeshkvijtë spanjollë vendimi i BE-së është i papranueshëm, sepse edhe po
të mos financohet shkatërrimi embrioneve, ata do të shkatërrohen se do të shkatërrohen
gjatë kërkimeve shkencore, ashtu si paraqiten në vendimin e marrë nga BE-ja. Në notën
përkatëse, ipeshkvijtë shprehin edhe dyshimet e tyre lidhur me diagnostikën gjenetike
preimpiantacionale, që lejon të vlerësohet në se një embrion është i shëndoshë ose
jo. Për ipeshkvijtë, shkatërrimi i embrioneve të sëmura është i palejueshëm e nuk
mund të paraqitet si progres shkencor lindja e një fëmije, pasi është zgjedhur më
parë një embrion i ashtuquajtur ‘i shëndoshë’. Kryeipeshkvi i Hong
Kongut, Jozef Zen Ze-Kiun kremtoi një meshë për njëmijë të rinjtë që marrin pjesë
në Ditën IV aziatike të Rinisë. Hirësia e Tij falënderoi nga zemra familjet që i përbujnë. Dita
e Rinisë me temë “Rinia, shpresa e familjeve të Azisë” organizohet nga Federata e
Konferencave Ipeshkvnore të Azisë. “Kisha është familje – u tha kardinali 200 familjeve
që i ofrojnë përbujtje të rinjve ardhur nga 20 kombe të ndryshme aziatike – e në saje
të tolerancës reciproke dhe vullnetit të mirë ne mund të arrijmë të kuptojmë planin
e Zotit për ne. Ju ftoj të jeni si Patriarka Abraham dhe t’i prisni këta të rinj sa
më mirë të jetë e mundur. Kardinali, pohon agjensia AziaNjuz, nënvizoi se mikpritja
është një nga virtytet karakteristike të popujve aziatikë 32 famullitë e vendit,
ku po organizohet takimi i madh aziatik, kanë programuar një sërë veprimtarish, duke
nisur nga ceremonia e hapjes, që u mbajt dje në Gjokej Klab të Satinit.
Dyqind
vullnetarë të ACLIT ( Shoqatat Kristiane të Punëtorëve Italianë) dhe Ipsia-s (Instituti
Paqe, Zhvillim, Risim i Aklit) nisen me misione për gjallërimin e pushimeve verore
të të rinjve në Brazil, Palestinë, Shqipëri, Bosnjë e Kosovë. Programi–shkruan agjensia
SIR, është paraqitur nga Ipsia-Acli me parullën “Të luajmë për paqen”. Flitet përgjithësisht
për vazhdimësinë e nismave të filluara që vitet e kaluara. E reja e sivjetme është
pikërisht udhëtimi në Brazil, ku vullnetarët italianë do të bashkëpunojnë me të rinjtë
vendas. Ndërsa në Kosovë, më 20 deri më 27 shtator do të organizohet një shtegtim
i madh turistik.