Atë Pjetër Meshkalla S.J.
(25 shtator 1901 - † 28 korrik 1988)

Duke shfletuar kalendarin historik, sot me 28 korrik përkujtojmë Atë Pjetër Meshkallën në 18-vjetorin e vdekjes.

I burgosur dy here nga regjimi komunist, Atë Meshkalla mbetet simboli i inteligjencës të persekutuar katolike.
Ai vetë e cilësonte kështu klerin katolik shqiptar: “Kleri katolik shqiptar asht kleri mâ heroik që ka me cilësue historia në rrugën dymijëvjeçare të Krishtit, sepse mbas 500 vjetësh robnì, po të merret prej vitit 1912 deri në 1944, janë vetëm 30 vjet me formue nji kler, e për 30 vjet kleri katolik shqiptar ka nxjerrë aq heronj sa nuk ka nxjerrë asnji kler tjetër në botë.