Папа Бенедыкт XVI° правёй прыватнае спатканне з кардыналам Тарчызіо Бертоне, які
пачне выконваць абавязкі Дзяржаўнага сакратара Ватыкану з 15 верасня бягучага года. Былы
Дзяржаўны сакратар кардынал Анджело Содано выходзіць на пенсію па ўзросту – у лістападзе
мінулага года яму споўнілася 75 гадоў. Спатканне Свяцейшага Айца з кардыналам
Бертоне адбылося 24 ліпеня ў альпійскім шале ў Ле-Комб, дзе Папа знаходзіцца на летнім
адпачынку. Паведамляецца, што размова тычылася пэўных пытанняў, у тым ліку і назначэння
новага сакратара Апостальскай сталіцы па сувязях з дзяржавамі. Раней гэту пасаду займаў
арцыбіскуп Джованні Лайоло, якога Бенедыкт XVI° назначыў упраўляючым справамі дзяржавы
Ватыкан. Кардынал Тарчызіо Бертоне нарадзіўся непадалёк ад Турына ў шматдзетнай
італьянскай сямье 1 снежня 1934 года. Вывучаў тэалогію ў Турыне і Рыме, атрымаў ступень
доктара кананічнага права. Болей 20 гадоў выкладаў у розных навучальных установах
Ватыкана. У 1989 годзе быў абраны рэктарам Папскага Салезіянскага універсітэта. У
чэрвені 1995 года быў назначаны сакратаром Кангрэгацыі да спраў веранавучання, якую
на працягу многіх гадоў узначальваў сучасны Папа. У кастрычніку 2003 года Бертоне
быў узняты да кардынальскай годнасці Янам Паўлам II°.