Каўчэг з часткамі машчэй святога Мікалая Мірлікійскага ўпершыню прыбылі ў Яраслаўль
з італьянскага горада Бары, дзе пахаваны гэты вядомы святы. 24 чэрвеня мошчы былі
ўрачыста спатканыя ў мясцовым Феадораўскім катэдральным саборы. Святы Мікола Цудатворца
жыў у IV° стагоддзі. Ён быў епіскапам горада Міры Лікійскія (цяпер гэта тэрыторыя
Турцыі). Ён быў вядомы сваёй дабрачыннасцю, прыймаў удзел у Першым Сусветным саборы
і быў кананізаваны хутка пасля смерці. Мошчы св.Мікалая да 1087 года знаходзіліся
ў Мірах Лікійскіх, а калі сарацыны заваявалі гэты горад, і была небяспека, што яны
знішчаць мошчы, яны былі перанесены горад Бары, дзе знаходзяцца і цяпер у катэдральным
касцёле. Святы Мiкалай вельмі ўшаноўваецца як католікамі, так і праваслаўнымі, таму
на прыканцы ХIХ стагоддзя ў Бары была пабудавана праваслаўная царква, якая належыць
РПЦ МП. Каля мошчаў св.Мікалая шматкротна здараліся цуды і аздараўленні. Ад іх
зыходзіць міро, а алей, які асвячаецца каля ягонай труны, раздаюць вернікам. У касцёле
знаходзяцца падарункі розных людзей з усяго света. Штогод гэта месца наведваюць дзясяткі
тысяч пілігрымаў з усяго свету. 24 чэрвеня ў Феадораскім саборы Яраслаўля прайшло
начное чуванне, пасля чаго частка мошчаў святога была перанесена ў Спаса-Прэабражнскі
сабор. Цяпер святыя мошчы будуць пераносіцца ў розныя цэрквы Яраслаўскай епархіі.
Дададзім, што яны прыбылі на яраслаўскую зямлю з нагоды юбілея мясцовай епархіі, якой
у гэтым годзе спаўняецца 1015 гадоў. Частка мошчаў св.Мікалая Цудатворцы застануцца
ў Яраслаўлі назаўсёды.