Letra e Papës me rastin e 80-vjetorit të Provinçës Kishtare në Lituani
(28.6.2006 RV)Kthejeni vështrimin drejt kërkesave të reja të jetës aktuale
që kërkon edhe nga katolikët një dëshmi të fortë, të mirëmenduar të vlerave njerëzore
e të krishtera. Kështu u shkruan Benedikti XVI të krishterëve të Provinçës Kishtare
në Lituani, me rastin e tetëdhjetëvjetorit të themelimit. Me rastin e 80-vjetorit
të themelimit të Provinçës Kishtare në Lituani, Benedikti XVI, në një letër drejtuar
kryeipeshkvit metropolit të Kaunasit, Tamkeviçius, i fton katolikët lituanë për një
dëshmi të fuqishme e të menduar mirë, të vlerave njerëzore dhe të krishtera. Duke
rikujtuar vështirësitë që kaloi populli lituan gjatë dhjetvjeçarëve të fundit, Ati
i Shenjtë thekson se liria e përdorur keq e shkatërron fytyrën e vërtetë të njeriut,
që është krijuar sipas shembëlltyrës së Zotit. Ati i Shenjtë nënvizon edhe impenjimin
e popullit lituan që, si rifitoi lirinë, pas shembjes së diktaturës komuniste, po
radhitet gjithnjë më shumë në familjen e Kombeve, duke sjellë dhe kontributin e trashëgimisë
së vlerave të veta.