Арцыбіскуп гэтага гішпанскага горада Аўгустын Гарсія-Гаско выдаў загад, згодна з
якім у нядзелю, 9 ліпеня, святарам будзе забаронена цэлебраваць імшу ў сваіх касцёлах. Гэта
зроблена дзеля таго, каб усе святары прынялі ўдзел у імшы пад адкрытым небам, якую
ў гэты дзень узначаліць у Валенсіі Свяцейшы Айцец Бенедыкт XVI°, які асабіста прыедзе
ў Валенсію на Сусветны дзень каталіцкіх семьяў. У сваім загадзе арцыбіскуп Гарсія-Гаско
дазволіў дыяцэзіяльным святарам, якія не будуць мець магчымасці прыняць удзел у папскай
імшы, цэлебраваць Богаслужбу 9 ліпеня вечарам. Візіт Бенедыкта XVI° у Гішпанію
будзе вельмі кароткім – ён прыляціць у Валенсію 8 ліпеня, і ўжо сярэдзіне дня 9 ліпеня
верніцца ў Рым. Плануецца, што Папа не толькі адслужыць вячэрню і імшу для ўдзельнікаў
кангрэса каталіцкіх семьяў, але і правядзе шэраг спатканняў з гішпанскімі біскупамі,
сустрэніцца з каралеўскай сямьёй і прэмьер-міністрам краіны Хосе Сапатэро.