Хоакін Новарро Валс падаў заяву аб адстаўцы Папу Бенедыкту 16-му.
22 гады спадар Валс узначальваў прэсцэнтр Ватыкану. Ён стаўся вядомым на цэлы свет
ў працягу гадоў пантыфікату Папы Яна Паўла 2.
Пасля смерці польскага Папы ягоны сябр і наступнік - Бенедыкт 16 асабіста прасіў дырэктара
службы друку святога Пасаду не пакідаць свой пасад некаторы час. І вось, больш як
годам пазней, заява аб выхадзе на пенсію паступіла. "Пасля многіх гадоў працы - магчыма,
надта многіх, - заявіў журналістам доктар Наварра, - мне будуць карыснымі перамены."
Хоакін Наварра Валс - ураджэнец Гішпаніі, член каталіцкага руху "Опус Дэй" і урач-псіхіятр
па атрыманай вышэйшай адукацыі. У сваім інтэрв'ю італьянскаму тэлебачанню ён расказаў
пра найболш яркія за больш як 2 дзесяцігоддзі працы моманты на пасадзе дырэктара
Прэсслужбы Ватыкану, сярод якіх - сустрэчы з Маці Тэрэзай з Калькуты і прэзідэнтам
СССР Міхаілам Гарбачовым. На пытанне журналістаў аб планах на будучыню, доктар Наварра
Валс зазначыў, што мяркуе застацца пажыццёва ў Італіі, але канчаткова яшчэ не вырашыў
. .