Iнтерв'ю з кардыналам Барраганам аб праблеме СНIДу
Кардынал Хавьер Лозано Барраган, Старшыня Папскай рады да спраў пастырскай дзейнасці
сярод супрацоўнікаў аховы здароўя, прыняў удзел у канфярэнцыі, арганізаванай ААН і
прысвячанай праблемам СНIДу. Ад гэтай хваробы ўжо загінула прыблізна 25 млн. чалавек;
на сёняшні дзень у свеце на СНIД хварэе каля 40 млн. чалавек. Пасля звароту з канфярэнцыі
кардынал Барраган даў інтерв’ю карэспандэнту нашага Радыё, у якім зазначыў, што немагчыма
пагадзіць сэксуальную свабоду з бяспекай для здароўя і жыцця людзей. На Захадзе многія
неўрадавыя арганізацыі гомасэксуалістаў прапагандуюць ідэі, згодна з якімі толькі
гомасэксуальнае каханне мае вартасць. Па меркаванню кардынала, гэта ёсць прамым нападам
на нармальныя чалавечыя зносіны і на Божую задуму адносна кахання паміж мужчынай і
жанчынай, як крыніцы жыцця. Ватыканскі дастойнік сцвердзіў, што каля 27 % цэнтраў
па тэрапіі і абслугоўванню хворых на СНIД знаходзіцца пад апекай Каталіцкай Царквы,
якая працуе ў гэтай галіне ў 102 краінах свету. У сваёй прамове ў ААН кардынал Барраган
заклікаў “быць добрымі самаранамі ў адносінах да хворых на гэту страшэнную хваробу”.