Ja argumentet kryesoretë programit të 15 qershorit
Papa Benedikti XVI kremtoi sot festën e Korpit të Krishtit në Sheshin e Shën Gjonit
në Lateran ( Romë) dhe kryesoi proçesionit Eukaristik deri në Bazilikën e Shën Marisë
së Madhe.
Adhurimi i Jezusit Eukaristik burim e ushqim kryesor për jetën e
të pagëzuarëve: kështu pohon në mikrofonin e Radio Vatikanit kardinali Francis Arinze.
Parlamenti
Evropian ka vendosur sot financimin e kërkimeve shkencore mbi qelizat staminale embrionale:
komenti i europarlamentarit Carlo Casini, president i Lëvizjes për Jetën.
Kryeministri
i Shqipërisë, Sali Berisha, filloi sot vizitën treditore në Kosovë.
"Shqipëria
do të bëjë çdo përpjekje, duke dhënë kontributin e saj në procesin e finalizimit të
statusit të Kosovës, tha Berisha.
Qeveria e Serbisë ka miratuar sot vendimin
për njohjen zyrtare të Malit të Zi si “Shtet të pavarur dhe sovran”, duke pranuar
kështu rezultatet e referendumit të 21 majit të kaluar.
Rritet në 65 numri
i viktimave të atentatit të sotëm që ndodhi në Shri Lankë, në zonën e Anuradapuras,
në veri të kryeqytetit Kolombo.
Në një atentat sot në Afganistan, së paku 10
civilë kanë gjetur vdekjen nga shpërthimi i një bombe kundër një minibusi në Kandahar.