Në fillim të programit të 13 qershorit ja argumentet kryesore: këtu mund të ndiqni
emisionin e plotë
(13/6/2006 R.V.) Papa i fton besimtarët
në kremtimin e Korpit të Krishtit të enjten e ardhshme në bazilikën e Shën Gjonit
në Lateran e në proçesionin për në bazilikën e Shën Marisë së Madhe: Eukaristia –
pohon Benedikti XVI – na tregon se jeta gjindet vetëm duke e dhuruar.
Sot
u kremtua Shëna Ndou i Padovës: mijëra shtegtarë u mblodhën në Kishat kushtuar shenjtit
ndër trojet shqiptare: në Laç të Sebastes, në Gjakovë, në Prishtinë…
Në prag të festës së Shenjtit mrekullibërës të Padovës, nisi të shfaqet në kinematë
italiane filmi “Antoni, luftëtari i Zotit”.
Presidenti Bush vizitoi sot
në mënyrë të rrufeshme Bagdadin, ku u takua me kryeministrin e ri Al Maliki dhe i
dha zemër qeverisë së tij të vijojë luftën kundër terrorizmit.
Bashkimi Evropian
miratoi dje një dokument që i lejon Turqisë hapjen e negociatave për pranim në familjen
e madhe evropiane.