У Маскве 4-5 ліпеня пройдзе міжрэлігійнае спатканне.
Мітрапаліт Смаленскі і Калінінградскі Кірыл, кіраўнік аддзела Знешніх царкоўных зносінаў
РПЦ МП, заявіў, што 4-5 ліпеня бягучага года ў Маскве пройдзе кангрэс прадстаўнікоў
розных рэлігій. Гэты кангрэс адбудзіцца перад спатканнем так званай “Вялікай Васьмёркі”
у Санкт-Пецярбургу. На кангрэс збяруцца кіраўнікі і прадстаўнікі праваслаўных Цэркваў,
дахалкідонскіх Цэркваў і Каталіцкай Царквы. Акрамя таго, арганізатары разлічваюць
на прысутнасць кітайскай дэлегацыі, а таксама прадстаўнікоў Лютеранскай Царквы, Нацыянальнай
рады Цэркваў ЗША, галоўных рабінаў Iзраіля, ЗША і Еўропы і мусульманскіх рэлігійных
лідэраў. Чакаюцца таксама буддысты, індуісты, кіраўнікі Экуменічнай рады Цэркваў і
іншых міжнародных рэлігійных арганізацый. Мітрапаліт Кірыл выказаў пажаданне, каб
кангрэс у Маскве ўнёс свой уклад у барацьбу з экстрымізмам.