Заява Ганконгскага кардынала з нагоды 17 гадавіны трагедый на пекінскай плошчы Тяньаньмэнь.
Каля 100 католікаў на чале з галавой ганконгскай каталіцкай суполкі кардыналам Цзэнам
Цзэ-Кюнам ўшанавалі памяць загінулых пад час трагічных падзей на плошчы Тяньаньмэнь. Як
заявіў кардынал Цзэн, кітайскі народ не павінен забываць трагедыю 1989 года, і працягваць
патрабаваць ад уладаў адказнасці за тое, што адбылося на гэтай славутай пекінскай
плошчы 17 гадоў таму. У гэтым годзе гадавіна падзей у Пекіне прыпала на свята
Унебаўзяцця. Пасля заканчэння хаўтурнай службы яе ўдзельнікі паставілі крыжы ў вялікую
мапу Кітая, сымбалізуючы гэтым пакутнікаў за свабоду рэлігіі ў КНР. Пасля гэтага
ўдзельнікі цэрымоніі прайшлі маршам каля будынку прадстаўніцтва кітайскіх уладаў у
Ганконгу. 4 чэрвеня 1989 года кітайскія вайскоўцы падавілі мірную студэнцкую дэманстрацыю
на цантральной плошчы Пекіна. Дэманстранты патрабавалідэмакратычных рэформаў. У выніку
разгона дэманстрантаў пагібла некалькі сотняў асобаў. Па словах кардынала Цзэна, сучаснаму
Кітаю па-ранейшаму патрэбны дэмакратычныя рэформы. У сваім нядаўнім інтэрв’ю амерыканскім
СМI царкоўны дастойнік крытычна выказаўся на конт хуткага эканамічнага развіцця Кітая.
“Так, некаторыя людзі зарабілі шмат грошаў, - сказаў ён. – Але карупцыя квітнее, разрыў
паміж багатымі і беднымі аграмадны, у шахтах гінуць людзі, а рынак поўны падробленым
парашковым малаком і фальшывымі лекамі – і гэта вы называеце развіццём? – запытаўся
кардынал Цзэн. – Калі б тады ўлады пачулі патрабаванні студэнтаў і працаўнікоў, ці
ж не была б сёння краіна лепшай?”