Papa: kundër relativizmit e agnosticizmit, kumtimi i fesë së krishterë e përsëri flet
për familjen dhe edukimin e të rinjve në Kuvendin dioqezan të Romës.
(06.06.'06.R.V.)“Feja
dhe etika kristiane nuk duan t’ia zënë frymën dashurisë por ta bëjnë të fortë, të
shëndosh e vërtetë të lirë”: kështu pohoi PapaBenedikti XVI mbrëmë në Romë në Katedralen
e Shën Gjonit në Lateran, me rastin e përurimit të punimeve të Kuvendit kishtar të
dioqezës së Romës, i cili për tri ditë do të pëqendrojë reflektimin mbi temën: “Gëzimi
i fesë dhe edukimi i brezave të rinj”. Në fjalimin e tij, Papa vuri theksin mbi
bukurinë dhe gëzimin që njeriu gjen ecjes së gjurmëve të Krishtit, sidomos në “marrëdhënien
personale me Zotin” e njëkohësisht “me jetën e komunitetit” që ndihmojnë në bashkëndarjen
e vlerës së fesë, e cila ka fuqinë t’i mposht e t’i asgjësojë të këqijat sikur është
relativizmi e agnosticizmi, që e bëjnë njeriun të brishtë dhe marrëdhëniet e tija
të paqendrueshme. PAPA “Pikërisht në këtë situatë, të gjithë ne kemi nevojë,
e posaçërisht të rinjtë tanë, adoleshentët, fëmijët, ta jetojnë fenë si gëzim, ta
shijojnë qetësinë e thellë që lind nga takimi me Zotin”. “Burimi i gëzimit të krishterë
është bindja se jemi të dashur prej Zotit”, ka saktësuar Papa, ”një dashuri e pasionuar
dhe besnike, një dashuri më e madhe se pabesnikëritë tona, një dashuri që fal”. Feja
dhe etika kristiane – shtoi Benedikti XVI – nuk duan t’ia zënë frymën dashurisë, por
duan ta bëjnë dashurinë më të fortë, më të shëndosh e vërtetë të lirë: pikërisht ky
është kuptimi i Dhjetë Urdhërimeve të Zotit, që nuk janë një seri ndalesash, ‘jo-sh’,
por një ‘po’ e madhe dashurisë e jetës”. PAPA “Së bashku me nevojën për të dashur,
dëshira e së vërtetës i përket vet natyrës së njeriut. Për këte, në edukimin e brezave
të ri, çështja e së vërtetës nuk mund të anashkalohet, të shmanget: përkundrazi, duhet
të zërë vendin kryesor”. Kështu pohoi Papa duke folur para pjesëmarrësve të Kuvendit
të dioqezës së Romës në hapjen e punimeve triditore në Lateran.