Патрыярх Маскоўскі і ўсяе Русі Алекій 2 выказаў пажаданне працягваць супрацоўніцтва
з экуменічнай грамадой Тэзэ.
Асабліва вызначыў кіраўнік праваслаўнай рускай Царквы маладзёвы накірунак дзейнасці
сусветнавядомай грамады, якую стварыў цяпер ўжо нябожчык брат Рожэ. Прыгадаем, летась
яго забіла душэўнахворая прама ў царкве, у малітоўным моманце. Дык у прывітанні да
ягонага наступніка брата Лезэра Прадстаяцель Алексій 2 выказаў сваё асабістае спачуванне
дзеля гібелі брата Рожэ Шютца такімі, у прыватнасці, словамі: ''Нас вельмі уразіла
трагічная смерць брата Рожэ, з якім мелі неаднаразова асабістыя сустрэчы. Ад душы
жадаю, каб справа ...(яго) паспяхова працягвалася надалей''. Грамада, створаная
у 1940 годзе, сёння ўз'ядноўвае сотні прадстаўнікоў розных хрысціянскіх канфесій з
25 краін свету, у асноўным католікаў і пратэстантаў. Браты, уступаючы ў грамаду, прыносяць
абяцанні падзяляцца ўсімі матэрыяльнымі і духоўнымі дабрамі, жыць ў бясшлюбнасці ды
чыстасці і максімальнай простасці. У прывітанні Патрыярх Алексій асабліва падкрэсліў
плённасць дзейнасці грамады ў працы з моладзю. Ён падкрэсліў сучасныя складанасці,
калі моладзь, аколеная так многімі спакусамі, губляе арыенціры. Алексій 2 адзначыў
у сваім слове кіраўніку грамады Тэзе , што расейская моладзь прымае ўдзел у многіх
акцыях экуменічнай грамады і падкрэсліў тут , што РПЦ адкрытая на дыялог і гатова
да супрацоўніцтва з гэтым хрысціянскім брацтвам. Прадстаяцель выказаў надзею, што
брат Алоіз ў часе знаходжання ў Расіі бачыць на свае вочы адраджэнне царкоўнага
жыцця пасля доўгіх дзесяцігоддзяў атэізму , што, пры бязбожным выхаванні цэлых пакаленняў,
можна лічыць цудам і Божаю ласкаю.