Kremtimi i Ditës botërore të Mjedisit,me temën: “Mos i braktisni tokat shterpë!”.
(05.06.06.R.V.)Thirrja e sekretarit të përgjithshëm të OKB-së Kofi Ananit për
të mos braktisur tokat që po shkretohen. Situata është e rëndë sidomos në Afrikën
Nënsahariane dhe në jugun e Azisë. “Mos i braktisni tokat shterpë!”.
Ky ishte titulli i ditës së sotme botërore për mjedisin organizuar nga Kombet e Bashkuara.
Në mesazhin e tij Sekretari i Përgjithshëm i OKB-së Kofi Anan fton të gjitha qeveritë
e botës për të luftuar kundër shkretimit, i cili rrezikon rreth 40% të sipërfaqes
tokësore dhe jetën e afro 2 miliardë njerëzve. Të shtunën e kaluar gjithashtu
Benedikti XVI bëri thirrje për mbrojtjen e mjedisit. “Nuk mund të guxojmë të abuzojmë
me botën dhe materien si të ishte thjesht material i dashur dhe i krijuar nga ne.”
pohoi Papa atë ditë, por duhet t’a konsiderojmë si krijim, si një dhanti që na është
dhënë jo për shkatërrim, por që të bëhet kopësht i Zotit, dhe kështu, kopësht i njeriut.“
Dhe ja sot u bë i njohur lajmi se Evropa është impenjuar për të mbrojtur biodiversitetin
e kontinentit, me masa të parashikuara për deri në 2010, kryesisht kundra varfërimit
natyralistik të habitateve ujore dhe rurale.
Ndër rastet më urgjente është
problemi i shkretimit të Afrikës Nënsahariane dhe Azisë jugore. Por cilat janë shkaqet
e kësaj dukurie gjeologjike dhe gjeografike. Përgjigjet Prof. Antonio Ballarin, docent
i fizikës pranë Universitetit Katolik të Zemrës së Shenjtë në Breshia.
Përgjigje:
Këtu ka një aspekt themelor që përfaqësohet nga ndryshimi i përgjithshëm i klimës:
rriten temperaturat e planetit dhe në të njëjtën kohë ndryshojnë grafikët e reshjeve
në shumë zona. Këto bëjnë që reshjet të zvogëlohen pikërisht në zonat më shterpë.
Kësaj dukurie, që është e natyrshme – edhe pse shkaktohet nga gazrat kimike për të
cilat janë përgjegjës njerëzit – u shtohen dukuri të tjera për të cilat njerëzit janë
përgjegjës në vijë të drejtë. Për shembull një mbarështim i keq i truallit; përdorimi
i pakriter, do të thosha, i zooteknikës në vend të bujqësisë; mungesa e instrumenteve
të mbarështimit të ciklit të ujrave, sepse ujrat luajnë një rol vendimtar në këtë
gjë; një keqpërdorim i trojeve për mungesë qoftë të instrumenteve mekanike, qoftë
të atyre kimike.
Pyetje: Sipas jush është e mundur që të kthehet prirja
e kësaj dukurie, domethënë të propozohet diçka për rritjen e shtrirjes së tokës së
bleruar?
Përgjigje: E keqja e kësaj dukurie është se ndryshe nga problemet
e lidhura me ndotjen atmosferike dhe atë të ujrave, që në një farë mënyre mund të
shërohen brenda pak vitesh ose disa dhjetëvjeçarësh, kur trualli shpërfytyrohet –
domethënë humbet tiparet e veta mekanike, kimike, fizike, dhe biologjike që garantojnë
pjellorinë – nis një dukuri, e cila për t’u riparuar kërkon madje deri edhe shekuj.