Ja argumentet kryesore të programit të 28 majit.Papa Benedikti XVI e mbylli shtegtimin
e tij apostolik në Poloni me vizitën historike në kampin e përqendrimit në Aushvic
e në Birkenau.
Ati i Shenjtë u lutë
në heshtje e pas nderimit të viktimave para përmendoreve , në fjalimin e tij dënoi
krimet e nazizmit dhe tmerret e tija duke kërkuar falje e pajtim.
Sot paradite
në kujtim të Gjon Palit II, Papa Racinger kremtojë Meshën në Blondie, në Krakovi,
para një milion e gjysëm besimstarësh, me ç’rast Papa i ftoj Polakët ta dëshmojnë
me guxim fenë në Evropë dhe në botë.
Shqiptarët shtegtuan sot në Shenjtëroren
e Zojës së Këshillit të Mirë në Gjenacan afër Romës. Meshën solemne të shtegtimit
të përvitshëm të shqiptarëve emigrantë e udhëhoqi imzot Rrok Mirdita, President i
Konferencës Ipeshkëvnore Katolike të Shqipërisë.
Në Indonezi, gati 4.700 të
vdekur nga termeti. Mëse gjysma e viktimave në Bantul, afër Jogjakartës. Bota është
mobilizuar me ndihma humanitare për të pastrehët. Papa Benedikti XVI shpreh ngushëllimet
e dhimbjen e tij dhe iu lutë Zotit për viktimat e tragjedisë që ka goditur këtë
vend.