Пятніца 26 мая была другім днём Апостальскага Падарожжа Сьвяцейшага Айца ў Польшчу,
падарожжа, якое праходзіць пад лозунгам: “моцна трывайце ў веры”. Раніцай, у Варшаве,
ў часе ўліўнага дазджу, Папа адслужыў на Плошчы Пілсудзкага Сьвятую Імшу. Паводле
наглядальнікаў ў ёй ўдзельнічала больш за паў мільёна вернікаў. У часе гэтае Сьвятое
Імшы адна з малітваў вернікаў гучала па-беларуску. Прачытае яе беларускі студэнт
з Варшавы Зьміцер Гурневеіч. Вось ягоная малітва: А ў сваім казаньні
Папа Бэнэдыкт 16 прыпомніў тое, што 27-м гадоў таму назад , на гэтым самым месцы,
сказаў Папа Ян Павал ІІ: “Хай зыйдзе Дух Сьвяты і адновіць аблічча гэтае зямлі”.
Як не падзякаваць Богу за тое ўсё, што зьдзейсьнілася ў вашай Бацькаўшчыне і на цэлым
сьвеце ў часе Пантыфікату Яна Паўла ІІ? Ён тады 27-м гадоў таму назад, сказаў: Польшча
сталася ў нашых часах Зямлёю асабліва адказнага сьведчаньня. Прашу вас, зьвярнуўся
Папа да вернікаў, сьцеражыце гэтую багатую спадчыну веры папярэдніх пакаленьняў, спадчыну
думак і паслугі вялікага Паляка, Папы Яна Паўла ІІ. Трывайце моцна ў веры, перадавайце
яе вашым дзецям, давайце сьведчаньне ласцы, якую вы зазналі ў так шчодры спосаб цераз
дзеяньне Духа Сьвятога ў вашай гісторыі. У Сьвятой Імшы удзельнічаў біскуп Антоні
Дземянка, які паведаміў, што на ёй было прысутных каля 2-х тысяч вернікаў з Беларусі,
сярод якіх быў і Апостальскі Візітатар для Грэка-Католікаў, архімандрых Сяргей Гаек,
але для нашага карэспандэнта, прысутнага ў Варшаве, высказаўся адзін ксёндз з Гродна,
вось, што ён сказаў У пятніцу 26 мая,
пасьля абеду Папа пакінуў Варшаву, каб адправіцца ў Чэстахову, куды прыляцеў а гадзіне
17.30 польскага часу. Тут на Яснай Гары сустрэўся з законнікамі, законніцамі, сэмінарыстамі
ды прадстаўнікамі рухаў і таварыстваў пасьвячанага жыцьця. Але больш аб гэтай сустрэчы
мы раскажам ў нашай заўтрашняй праграме. Уся італьянскага прэса ды тэлебачаньне
кожнага дня гавораць аб візыце Папы ў канцэнтрацыйны лагер Асьвенцім- Біркэнаў, хаця
гэта наступіць ў апошні дзень візіту Папы. Гэта для іх быццам-бы галоўны пункт праграмы
візіту Папы ў Польшчу. А вось, што сказаў адносна гэтага візіту арцыбіскуп Гаўдэцкі Але мы яшчэ на
заканчэньне нашае праграмы вернемся да экумэнічнае сустрэчы, якая адбылася ў Лютэранскай
Царкве Сьвятой Тройцы ў Варшаве, ў першы дзень візіту Папы менавіта ў чацьвер 25-га
мая. Быў на ёй прысутным, між іншым, Мітрапаліт Сава з Польскае Праваслаўнае Царквы.
Папа ў сваім слове да прадстаўнікоў іншых хрысьціянскіх рэлігій сказаў, між іншым: Мы
заўважваем, што на экумэнічнай ніве ажыцьцявіўся значны поступ, аднак пастаянна мы
чакаем чагосьці больш. Так многа нашых братоў чакае ад нас дару любові, даверу, сьведчаньня,
канкрэтнае духоўнае і матарыяльнае дапамогі. Мы ведаем, што сярод хрысьціянскіх супольнасьцей
асаблівае месца займае хрысьціянская сям”я. У сёньняшнім сьвеце- сказаў зноў Сьвяцейшы
Айцец-- што-раз часьцей на заснаваньне сям”і рашаюцца маладыя людзі розных традыцый,
рэлігій, розных хрысьціянскіх вервызнаньняў. Часта для іх самых і блізкіх гэта
цяжкае рашэньне, якое нясе з сабою вялікае рызыка як у вытрываньні ў сваёй
веры і будаваньня ў будучыні сямейнага парадку так і для стварэньня клімату
адзінства сям”і ды для ўзросту дзяцей. Выказваю прызнаньне за ўзьнятыя працы над
экумэнічным дакумантам, ў якім хрысьціяне розных традыцый выказваюць супольную хрысьціянскую
навуку аб сужонстве і сям”і, ўстаноўліваюць прынцыпы заключаньня сужонстваў розных
веравызнаньняў. Жадаю ўсім- сказаў на заканчэньне Папа—каб у гэтай так далікатнай
справе Цэрквы падыходзілі з даверам і супрацоўнічалі, ўшаноўваючы поўнасьцю правы
і адказнасьць сужонкаў за фармаваньне ва ўласнай веры сям”і ды выхаваньне дзяцей.