б) У сардэчным дыялогу з усялякімі ведамі 76 Сацыяльная навука Царквы ўлічвае
ўсе асягненні розума, з якой бы галіны ведаў яны не паходзілі, і мае важныя паміждысцыплінарныя
памеры: “Каб лепей ажыццявіць адзіную праўду аб чалавеку ў розных сацыяльных,
эканамічных і палітычных умовах, якія стала змяняюцца, гэта навука ўступае ў дыялог
з іншымі дысцыплінамі, якія тычацца чалавека і маюць на ўвазе ўсё самае каштоўнае”.
Сацыяльная навука выкарыстоўвае тлумачальныя магчымасці філасофіі, таксама як і акрэсляльныя
магчымасці гуманітарных навук. 77 Ёсць важным, перад усім, уклад філасофіі,
аб якім ужо ішла гаворка, калі мы размаўлялі аб чалавечай натуры, як аб крыніцы і
аб розуме ў якасці шляху пазнання самой веры. Пры пасрэдніцтве розума сацыяльная
навука ўключае філасофію ва ўласную ўнутраную логіку, значыць у адпавядаючы гэтай
навуцы стыль аргументацыі. Сцвярджаць, што сацыяльная навука мае дачыненне
хутчэй да богаслоўя, чым да філасофіі, не значыць ігнараваць ці недастаткова ацэньваць
ролю і ўклад філасофіі. Бо філасофія – гэта каштоўны і незаменны інструмент для вернага
зразумення базавых зразуменняў сацыяльнай навукі (асоба, грамадства, свабода,
сумленне, этыка, права, справядлівасць, агульнае дабро, салідарнасць, субсыдыярнасць,
Дзяржава) – для зразумення, якое прывядзе да гарманічнага суіснавання ў грамадстве.
Акрамя таго, мінавіта філасофія паказвае, у якой ступені разумны свет, што паходзіць
з Эвагелля на грамадства; менавіта філасофія абуджае розум і сумленне кожнага чалавека
адкрыцца праўдзе і пагадзіцца з ёй. 78 Значны ўклад у сацыяльную навуку Царквы
ўносяць таксама гуманітарныя і сацыяльныя навукі; ніякую галіну ведаў мы не выключаем,
з улікам той часткі праўды якую яна ў сабе нясе. Царква прызнае і прыймае ўсё,
што дапамагае зразумець чалавека, уключанага ў сеціва грамадскіх сувязяў, якія трывала
пашыраюцца, змяняюцца і робяцца больш складанымі. Царква разумее, што немагчыма асягнуць
глыбокіх ведаў аб чалавеку пры дапамозе толькі тэалогіі, не карыстаючыся ведамі з
іншых галінаў ведаў, на якія спасылаецца тэалогія. Трывала ўважлівае і адкрытае
стаўленне да навукаў надае сацыяльнай навуцы кампетэнтнасць, канкрэтнасць і актуальнасць.
Дзякуючы гэтым навукам Царква можа ўдакладніць сваё разуменне чалавека ў грамадстве,
больш упэўнена гаварыць з людзмі свайго часу і эфектыўнее выконваць сваю задачу: уцелаўляць
у сумленні і ў пачуцці сацыяльнай адказнасці нашых сучаснікаў Слова Божае і веру,
з якой паходзіць сацыяльная навука. Гэты міждысціплінарны дыялог спрыяе і таму,
што навукі, каб асягнуць сэнсу, каштоўнасці і адказнасці, якія адчыняюцца сацыяльнай
навукай, і дапамагаюць навукам “пашыраць свае далягляды, служачы асобе, пазнаючы і
любячы яе ў поўні паклікання”. в) Выява настаўніцкага служэння Царквы. 79 Сацыяльная
навука належыць Царкве, бо Царква яго разпрацоўвае, распаўсюджвае і выкладае. Гэта
навука – не ёсць прэрагатывай аднаго кампанента царкоўнага цела, але справай ўсёй
грамады; тут падаецца, як Царква разумее грамадства і якую пазыцыю яна займае ў адносінах
да яго структураў і да зменаў, якія ў ім адбываюцца. Уся царкоўная суполка: святары,
законнікі і законніцы, цывільныя асобы – разам узводзяць сацыяльную навуку, абапіраючыся
з розных задачаў, дароў і служэнняў у сярэдзіне Царквы. Настаўніцтва Царквы
прыймае, інтэрпрытуе і зводзіць разам шматлікія дары – і гэта яшчэ адзін выказ звышнатуральнага
разумення веры, якое належыць усяму народу Божаму – і распаўсюджвае сацыяльную навуку,
як навуку Царквы. Навука Царквы складаецца тымі, што маюць на гэта права і здольнасці,
а таксама абавязак навучаць у галіне веры і маралі з уладай, атрыманай ад Езуса. Сацыяльная
навука – не толькі навука, як плён разважанняў і працы кваліфікаваных спецыялістаў;
гэта думка Царквы, бо яе навука створана Настаўніцтвам, заснаваным на ўладзе, якую
Езус перадаў апосталам і іх паслядоўнікам: Папам і біскупам, якія маюць да Яго непасрэднае
дачыненне. 80 У сацыяльнай навуцы Царквы ўлічаны ўсе кампаненты і выявы Настаўніцтва.
Першасную ролю мае ўніверсальнае Настаўніцкаяе дзейнасць Папы і Сабора: менавіта
гэта накіроўвае і развівае сацыяльную навуку. Гэта Настаўніцтва, асобным чынам, злучана
з біскумскім Настаўніцтвам, якое ўдакладняе, адаптуе і акталізуе навуку ўніверсальнай
Навукі ў дачыненні да шматлікіх і разнастайных асобных сітуацый з іх канкрэтнымі асабістасцямі. Сацыяльная
навука біскупаў узбагачвае і стымулюе Настаўніцтва Рымскага Папы. Такім чынам здзяйсняецца
рух па колу, які, фактычна, выказвае калегіяльнасць Пастыраў, што злучаны з Папам
у сацыяльнай навуцы Царквы. Створаны ў выніку дактрынальны комплекс, ёсць універсальнай
навукай Папаў і Бускупаў. Як частка маральнага навучання Царквы, сацыяльная
навука мае тую самую годнасць і аўтарытэт, што і маральная навука. Сацыяльная
навука – гэта сапраўдная навука, якая патрабуе ад вернікаў прыняць і прытрымлівацца
яе. Якой ёсць дактрынальная вага розных навучанняў і ў якой ступені мы забавязаны
з імі пагадняцца – належыць ацэньваць зыходзячы з іхняй натуры, з іхняй незалежнасці
і зменлівых элеменаў і з таго, як часта да іх звяртаюцца.