У чацьвер 18 мая Сьвяцейшы Айцец сустрэўся з Праваслаўным Смаленьскім і Калінінградзкім
Мітрапалітам Кірылам, які кіруе Аддзяленьнем Вонкавых Царкоўных Адноснаў Маскоўскага
Патрыярхату. Ён у гэтых днях знаходзіцца ў Рыме ў сувязі з высьвячэньнем новае Праваслаўнае
Царквы. Гэтая ўрачыстасьць адбудзецца ў пятніцу 19 мая і Апостальскую Сталіцу на
іх будзе прадстаўляць кардынал Вальтэр Каспэр, Старшыня Папскае Рады да Спраў Адзінства
Хрысьціян. Царкву пабудавана на тэрыторыі пасольства Расійскае Фэдэрацыі, што знаходзіцца
блізка Ватыкану ў імя Сьвятой Кацярыны Александрыйскай ды будзе сядзібаю праваслаўнае
парафіі, што будзе належыць Маскоўскаму Патрыярхату.