Në Vjenë, me dhjetra
kryetarë shtetesh nga Bashkimi Evropian, Amerika Latine dhe Karaibet janë mbledhur
në takimin e katërt kushtuar raporteve strategjike tregtisë dhe mbi të gjitha energjisë.
Konferenca, më e madhja organizuar në Vjenë qysh pas Kongresit të 1815, ka si qëllim
konsolidimin e bashkëpunimit ndërmjet Evropës dhe Amerikës Latine.
“Thirrja
e juaj për vlerat njerëzore dhe të krishtera të popullit italian, më jep guxim në
detyrën që po përgatitem të marr”. Kështu iu përgjegj presidenti i ri italian Gjorgjo
Napolitiano mesazhit të djeshëm të Papës Benedikti XVI, që i bënte urimet e rastit
për zgjedhjen e tij në postin më të lartë të shtetit italian.
Duke folur
në një konferencë për shtyp sot sekretari i përgjithshëm i OKB-së Kofi Anan u kërkoi
SHBA- të nisin një dialog të hapur me Iranin. “Negociatat janë zgjidhja më e mirë”
– tha ndërmjet tjerash sekretari i OKB-së.
Orë ankthi në Irak. Pritet që
parlamenti t’i japë votbesimin qeverisë së re të dalë nga zgjedhjet e dhjetorit të
kaluar. Deri tani formimi i qeverisë së re është vonuar së tepërmi për shkak të bisedimeve
të vështira ndërmjet shiitëve, sunitëve dhe kurdëve.
Janë më shumë se 100
viktimat e luftimeve që po zhvillohen në Somali ndërmjet mercenarëve islamikë dhe
udhëheqësve lokalë të rezistencës. Në shumicën e rasteve viktimat janë civilë, ndër
të cilët ka edhe fëmijë.
Bashkimi Evropian i dha afat Serbisë që deri në
fund të qershorit të arrestojë kriminelin e luftës Ratko Mladiqin. Nëse deri atëherë
Beogradi nuk ia dorëzon të shumëkërkuarin gjykatës së Hagës, marrëveshja e Stabilizim-Asocimit
me BE-ian nuk do të nënshkruhet.