Заява кардынала Пуліча аб становішчы католікаў у Босніі і Герцагавіні.
Католікі Босніі і Герцагавіны адчуваюць ціск і дыскрымінацыю з боку правячага рэжыма
і мусульманаў, якія атрымліваюць фінансавую дапамогу ад ісламскіх краінаў. Аб гэтым
заявіў галава баснійскіх католікаў кардынал Вінко Пуліч. “З пачатку вайны 1992
– 1995 гадоў і да сёняшніх часоў радыкальныя ідэі іслама працягваюць трапляць у Боснію
з мусульманскіх краінаў”, - заявіў каталіцкі дастойнік пад час свайго візіту ў Вашынгтон. Баснійскія
мусульмане атрымліваюць фінансавую дапамогу і маюць права на будаўніцтва мячэцей.
У католікаў жа няма падобных магчымасцяў. Кардынал Пуліч паведаміў, што ён чакае дазволу
на будаўніцтва касцёла ўжо восем гадоў, у той час, як мусульмане “атрымліваюць падобны
дазвол, як толькі пажадаюць”. Кардынал падкрэсліў, што цяжкае становішча католікаў
тлумачыцца не адсутнасцю магчымасці будаваць касцёлы, а тым, што іх правы не бароняцца
дзяржавай і паліцыяй, а таксама не маюць свайго “голаса” у СМI. Да таго ж, многія
вернікі-католікі пакутуюць ад безпрацоўя і эканамічных цяжкасцяў.