Агульная аўдыенцыя Папы у сераду 10 траўня

Адбылася яна на Плошчы Сьвятога Пятра. Сёньня ў Рыме было вельмі прыгожае надвор”е дык на сустрэчу з Папам прыбыло многа вернікаў і паломнікаў з кожнага кутку сьвету. А была гэта ўжо 18 сустрэча Папы Бэнэдыкта 16 з вернікамі ў гэтым годзе. Сваю галоўную катэхэзу Папа прысьвяціў , так званаму, Апостальскаму Наступніцтву, сказаўшы наступнае:

Пасьля Уваскрасеньня Хрыста да ліку Апосталаў былі пакліканыя Сьвяты Мацьвей і Сьвяты Павал. Важным этапам у жыцьці Касьцёла, які нараджаўся, было перададзеньне Апосталамі місіі абвяшчаньня Эвангэльля інхім Наступнікам, значыць Біскупам.
Ужо ў другім стагоддзі пасьля Хрыста- сказаў далей Сьвяцейшы Айцец- вядомыя ў Касьцёлу ўрады біскупа, прэсьбітэра і дыякана.
Дзякуючы паслузе біскупаў, сілаю Духа Сьвятога, цераз Сьвяты Сакрамант ёсьць перадаванае ў Касьцёле Апостальскае Наступніцтва, гістарычны і духоўны знак лучнасьці Божага Народу кожнае эпохі з Калегіюмам Апосталаў і Касьцёлам Першых Вякоў.
Сьвяты Ірынэй- зноў сказаў Папа Бэнэдыкт 16—прыпомніў у другім стагоддзі значэньне для ўсяго Касьцёла Апостальскай традыцыі, падкрэсьліваючы ў сваіх пісьмах, што бярэ яна пачатак з сувязі ўсіх супольнасьцей, якія трываюць у духу лучнасьці веры і сакрамантаў з Касьцёлам Рыму, які пабудаваны на фундаманце мучаніцкае сьмерці Сьвятых Апосталаў Пятра і Паўла.
Дзякуючы Апостальскаму Наступніцву- сказаў на заканчэньне сваёй катахэзы Папа-- мы упэўненыя прысутнасьці ў Касьцёле Хрыста, які да нас прыходзіць. Ён сам прамаўляе ў Эвангэльлі, якое перадаецца нам Наступнікамі Апосталаў, паслугоўліваецца іхнімі рукамі, каб удзяляцца нам у Сакрамантах, заўважвае нас, кліча і ў жэсьце прыязьні прытуляе да свайго сэрца.
На заканчэньне аўдыенцыі Папа прывітаў усіх вернікаў, асабліва хворых, моладзь ды новыя шлюбныя пары, надзяляючы на ўсіх сваё Апостальскае Блаславенства.