Да ўвагі нашых маладых слухачоў: па новых спецыяльнасцях будуць рыхтаваць святароў
і свецкіх навукоўцаў ў Папскім універсітэце "Анжэлікум". Незвычайная, выкліканая
вострымі праблемамі нашых часоў, кафедра эзатэрыкі і сэктазнаўства пачне дзейнічаць
у наступным навучальным годзе.
З нагоды прыняцця
рашэння аб адкрыцці новай кафедры кардынал Поль Пупар, прэзідэнт папскай Рады па культуры,
прыме ўдзел ва ўрачыстай цырымоніі яе ўсталявання ўжо ў гэтым месяцы. першым дацэнтам
новай структуры старажытнага каталіцкага універсітэта стане нямецкі прафесар па гісторыі
рэлігіі Міхаэль Фусс. Шмат год ён выкладаў гэты прадмет у Фрыбургу, а апошнія 10 год
- у рымскім каталіцкім універсітэце "Грыгарыянум". Курс, які ўжо атрымаў тытул "Нетрадыцыйныя
рэлігіі і духоўнасць" будзе прысвечаны перш за ўсё вывучэнню рухаў, такіх як Нью эйдж
- Новы век, і рэакцыйных веранавучанняў з выкарыстаннем псіханеўралагічных тэхналёгій.
Лекцыі будуць чытаць найбольш выбітныя навукоўцы гэтага накірунку ведаў з цэлага
свету - па запрашэнню новай кафедры.