Працягвае свае працы ў Вене міжнародная канферэнцыя "Вярнуць душу Еўропе: місія
і адказнасць Цэркваў". У ёй прымае ўдзел дэлегацыя РПЦ. Больш таго, Патрыярх Маскоўскі
і Ўсяе Русі Алексій 2 звярнуўся да ўдзельнікаў - рэлігійных і свецкіх дзеячаў - са
сваім прывітаннем.
У прыватнасці, Алексій 2 піша ў сваім пасланні:" Перакананы, што нашы Цэрквы,якія
захоўваюць вернасць апостальскаму паданню ў пытаннях, што кранаюць
асновы хрысціянскага светаразумення, павінны сёння разам выступаць дзеля абароны асновапалягаючых
каштоўнасцей хрысціянства." Далей кіраўнік Рускай Праваслаўнай Царквы сцвярджае,
што праваслаўныя і католікі маюць магчымасць даць "надзею сэрцам мільёнаў людзей,
якія шчыра шукаюць Валадарства Божага і не хочуць уцешвацца прыземленымі мэтамі
грамадства спажывецтва. Тое, што еўрапейская цывілізацыя трывае на аснове хрысціянскіх
каштоўнасцей, з'яўляецца неаспрэчным фактам, незалежна ад таго, прызнаюць гэта свецкія
дзеячы ці не. Нам, людзям веры , неабходна прыпамінаць сучаснікам, што сапраўднаю
крыніцай тых высакародных памкненняў, якімі слаўная Еўропа - значыцца, клопат аб
бліжнім, павага свабоды чалавека, цярпімасць да чужое думкі - з'яўляецца хрысціанскае
прапаведванне любові да Бога і да чалавека як Яго адлюстравання". Далей Яго Прэасвяшчэнства
заклікае удзельнікаў еўраканферэнцыі: "Хай стопы нашых суайчыннікаў накіруюцца
да пазнавання Бога і Ягонае святое волі - значыцца да таго, што цяперашнія жыхары
Еўропы так напружана шукаюць, нягледзячы на ўсе спробы адціснуць рэлігію на ўскраіну
грамадскага жыцця!"