Në atmosferën e veprimtarive
fetare kushtuar majit, Muajit të Zojës së Bekuar dhe festës së Shën Jozefit Punëtor,
Shkodrës e pikërisht lagjes “Partizani” iu shtua një shtëpi e re, ajo e Motrave rregulltare
Misionare Vinçenciane, të cilat do të përkujdesen në mënyrë të posaçme për banorët
e ardhur nga zonat fshatare. Më hollësisht të ndjekim shërbimin e bashkëpunëtores
sonë nga Shkodra, Jolanda Baba…
Vijojmë shtegtimin tonë radiofonik duke
kaluar në dioqezën e Sapës. Në studio kemi ipeshkvin e ri të kësaj dioqeze Imzot Dodë
Gjergjin, të cilin e falenderojmë për vizitën dhe i kërkojmë të na njohë me jetën
shpirtërore, me veprimtarinë apostolike, me çështjen e bashkëjetesës ndërfetare dhe
me marrëdhëniet kishë-shoqëri. Imzot Dodë Gjergji po fillojmë nga jeta shpirtërore.
Si jetohet feja në gjendjen aktuale, në të cilën besimtari ka vështirësi të mëdha
ekonomike, lufton për bukën e përditshme e në anën tjetër mundohet ta mishërojë konkretisht
porosinë ungjillore?….