Яшчэ адзін сайт Ватыкана ў Інтэрнеце плануюцца адкрыць гэтай восенню. Ягоная мэта
- паблізіць кантакты між вернікамі праз сучасныя сродкі, дазволіць якнайхутчэй абменьвацца
думкамі і інфармацыяй.
Падзеі адкрыцця новай Web-старонкі Ватыкану прысвячае спецыяльны артыкул амерыканскі
часопіс Business Week. Ён паведамляе, што раздзелы будуць прысвечаныя пытанням сям'і,
моладзі і парафіяльнага жыцця. Таксама будуць змешчаныя розныя навучальныя праграмы.
З часам будзе бегчы і стужка свежых навінаў. Дырэктар Інтэрнет-службы Святога пасаду
сястра Джудзіт Цэбеляйн патлумачыла для амерыканскага часопіса неабходнасць адкрыцця
ў Інтэрнеце новай старонкі пажаданнямі вернікаў. Новы сайт дазволіць людзям хутчэй
знаходзіць адзін аднаго, выходзіць на падтрыманне непасрэднага кантакту між парафіямі,
напрыклад, разам працаваць у сетцы, скарыстоўваць хутчэй у сваіх грамадах новы вопыт,
рабіць пілігрымкі і гэтак далей.