Афіцыйным лоббі па пашырэнню на Зямлі атамных станцый і іншых рэактараў, што не гарантуюць
бяспекі, называе МАГАТЭ Міхаіл Андрэеў.
Каталіцкі часопіс "Фамілія крістіана" (хрысціянская сям"я) ,
прысвячаючы матэрыялы 20-годдзю Чарнобыльскай катастрофы, змяшчае нарыс пра
нязломнага чалавека Міхала Андрэева - барацьбіта супраць распаўсюджання атамных станцый
ва ўрон развіццю іншых відаў энергіі. У той самы час інжынер Міхал Андрэеў выступае
прыхільнікам атамнай энергіі, толькі папярэджвае, што яе неабходна развіваць з вялікай
асцярожнасцю і ў абстаноўцы поўнае "гласнасці" , а не ведамаснай закрытасці.
Італьянскае хрысціянскае выданне называе яго падзівугодным барацьбітом, які, нягледзячы
на 8 судовых працэсаў супраць яго, не страчвае адвагі. Хаця цяпер яго ніхто не затрымлівае
, як 80-90 гг, працягвае жыць у Кіеве і змагацца супраць вайсковага і спадарожнікавага
прамысловага комплексу, зацікаўленых пад эгідай МАГАТэ ў затрыманні грашовых укладаў
ў альтэрнатыўныя , экалагічна чыстыя віды энергіі. Міхаіл Андржеў за сваю дзейнасць
мае 40 узнагарод з боку дзяржавы і праваслаўнае Царквы.
Міхаіл Андрэеў - "ліквідатар". Ён выжыў і захаваў здароўе, хаця быў сярод тых першых
соцень людзей, што ахвяравалі жыццё ў 1986 годзе. 26 красавіка - у моманце катастрофы
- ён здолей у складзе групы патушыць 2-гі рэактар, які таксама ўяўляў пагрозу, ды
й хіба большую, чым 4-ты. Ён расказвае, што тыя мінуты здаваліся вечнасцю, бо ён разумеў
усю веліч небяспекі і цяпер, у памяць сяброў, што загінулі ці атрымалі хваробы дзеля
чарнобыльскай навалы, абраў шлях праўды. Спадар Андрэеў расказвае:" Я быў перад тым
перакананым атэістам. Але перажыты вопыт навучыў мяне многаму, вельмі многаму. Цяпер
я ведаю, што ў Сусвеце ёсць нешта большае за чалавека". Міхаіл папрасіў
мастака Уладзіслава Гарэцкага напісаць Чарнобыльскую ікону. Патрыярх Маскоўскі і
Усяе русі Алексій 2 блаславіў яе. Цяпер яна вандруе па Украіне для блаславенства
Божага народу.