Па ўсёй Італіі адзначваецца 20-годдзе Чарнобыльскай трагедыі. Словамі "Дзеці
Чарнобыля - таксама нашыя дзеці" азагалоўлены артыкул у каталіцкай газеце "Аввенірэ"(будучыня).
Ягоны змест мы перакладезм асобна. Тэме Чарнобыля прысвечаны нацыянальныя тэле- і
радыёпраграмы, а таксама інтэрнацыянальныя - нашага РВ.
Хочым дадаць, што дзясяткі асацыяцый, каталіцкіх і свецкіх, у першую чаргу, натуральна,
міжнародная касцельная міласэрдная арганізацыя "Карітас " праводзяць семінары,
выставы , сустрэчы і канцэрты на карысць ахвяраў Чарнобыля, каб не забывалася чалавецтва
аб наступствах, якія трываюць стагоддзямі і адгукаюцца праз некалькі пакаленняў. Так,
заўтра ў палацы Святога Каліста , у славутай рымскай зоне Трастэверы , на ініцыятыву
Папскай рады "Справядлівасць і мір" у сядзібе гэтай дыкастэрыі пройдзе міжнародны
семінар па Чарнобылі: аб спецыфічных наступствах ў плане ўплыву на здароўе людзей
і на навакольнае асяроддзе , а таксама аб перспектывах сацыяльна-дэмаграфічнай палітыкі
на забруджаных тэрыторыях Украіны, Беларусі і Расіі. Што тычыцца тэмаў, геаграфічна
блізкіх да нас, прынагодна скажам яшчэ , што ў Капітоліі, дзе мэрыя горада Рыму -
на славутым халме, з якога Вечны горад пачынаўся, таксама ў гэтую пятніцу адбудзецца
навуковая канферэнцыя гістарычных студыяў "Ад Рыму да 3-га Рыму". З дакладам "Дактрына
Рускай Праваслаўнай Царквы па праблеме вайны і міра" выступіць акадэмік з Маскоўскай
багаслоўскай Акадэміі спадар Уладзіслаў Зіпін. Разам з мэрыяй сустрэчу зарганізаваў
ужо ў 26 раз на Дзень горада сталічны універсітэт " Ля Сапьенца" (веды): 23 красавіка
Рым адзначае 2762 год з дня заснавання царамі Ромулам і Рэмам, якіх на берагах
Цібру выкарміла ваўчыца - усе гэтыя гады сімбаль Вечнага гораду.