Пасьля абеду, ў нядзелю 16 красавіка, Сьвяцейшы Айцец прыбыў да сваёй летняй рэзыдэнцыі
ў Кастэльгандольфо на кароткі адпачынак. Тут ў панядзелак 17 красавіка, а паўдні,
адгаварыў з вернымі малітву “Каралева Неба”, якая ў вялікодны пэрыяд заступае малітву
“Анёл Гасподні”. У сваёй прамове да вернікаў Папа прыпомніў, між іншым, што ў аўторак
18 красавіка міне роўна 500 гадоў ад моманту, калі Папа Юліян ІІ паклаў краевугольны
камень пад новую Базыліку Сьвятога Пятра. Бэнэдыкт 16 выказаў удзячнасьць сваім папярэднікам
і мастакам, якія прычыніліся да ўзьнікненьня такой прыгожай сьвятыні, якою захопліваецца
ўвесь сьвет. Сьвяцейшы Айцец застанецца ў сваёй летняй рэзыдэнцыі да найбліжэйшае
суботы. Не зьменіць гэта парадку агульных аўдыенцый. На сустрэчу з пілігрымамі Папа
прыляціць у сераду 19 красавіка ў Ватыкан верталётам. Затым у пятніцу 21 красавіка
прыйме ўдзел у Рыме ў спэцыяльным канцэрце з нагоды “народзін гораду”.