2 красавіка ў місіі Бесант Нагар, што на поўдні Iндыі, была ўрачыста адкрыта 7-метровая
статуя Яна Паўла II°. Адкрыццё помніка было прымеркавана да гадавіны смерці Свяцейшага
Айца. Аўтарам статуі ёсць вядомы мясцовы скульптар Шіхан Хуссаіні. Кампазіцыя,
зробленая з бронзы і бетона, уяўляе Яна Паўла II°, які стаіць на вяршыні лесвіцы з
29 прыступкаў. Аўтар паясніў, што тры верхнія прыступкі сымвалізуюць тры фазы жыцця
Папы-нябожчыка: час да абрання яго на Пасад св.апостала Пятра, час пантыфікату і шлях
да святасці. Iншыя 26 прыступкаў сымвалізуюць гады пантыфікату. Правай рукой Ян
Павел II° бласлаўляе свет, а ў левай трымае крыж з глобусам, з якога ўзлятае голуб. Гадавіна
смерці Свяцейшага Айца была адзначана ў многіх гарадах Iндыі. А ў Нью-Дэлі вернікі
розных рэлігій сабраліся ў каталіцкай катэдры, каб асаблівым чынам ушанаваць служэнне
Яна Паўла II°.