У гэтым годзе Папа не зверніцца да святароў з пасланнем на Вялікі Чацвер.
Спыняючы традыцыю свайго папярэдніка, Свяцейшы Айцец Бенедыкт XVI° у гэтым годзе
не будзе пісаць паслання да святароў усяго свету на Вялікі Чацвер. Аб гэтым паведаміў
а. Чыро Бенедеттіні, памочнік дырэктара Ватыканскай прэс-службы. У 1979 годзе
Папа Ян Павел II° пачаў пісаць пасланні на Вялікі Чацвер у знак свайго асаблівага
клопату аб святарстве і аб праблемах святарскага служэння. У гады пантыфікату
Папы Вайтылы пасланні тычыліся такіх тэмаў, як святарскія пакліканні, маральны стан
духоўных асобаў, духоўнасць і цэлібат. Апошнее пасланне Яна Паўла II° да святароў
было прысвячана важнасці Эўхарыстыі. Папа-нябожчык падпісаў яго за тры тыдня да сваёй
смерці. Згодна з традыцыяй, якая падкрэслівае вузы паміж служэннем Папы і пастырскім
служэннем мясцовых святароў, Бенедыкт XVI° узначаліць Святую імшу ў Вялікі Чацвер,
пад час якой будзе здзейснены рыт асвячання алея. На працягу першага года пантыфікату
сучасны Папа ўдзельнічаў у некалькіх спатканнях з групамі святароў, пад час якіх яны
мелі магчымасць паразмаўляць са Свяцейшым Айцом, задаць цікавячыя іх пытанні.