У чацьвер 6-га красавіка Папа Бэнэдыкт 16 сустрэўся, на Плошчы Сьвятога Пятра, з моладдзю
Вечнага Гораду. Яна падрыхтоўваецца да 21-га Сусьветнага Дня Моладзі, які будзе ўшаноўвацца
ў Вербную Нядзелю 9-га красавіка на дыяцэзальным узроўні. У часе сустрэчы Папа
адказваў на пытаньні моладзі. Менавіта пяцёра маладых людзей зьвярнулася да Папы
з пытаньнямі. Адказваючы на іх Сьвяцейшы Айцец гаварыў, між іншым, аб любові, якая
стаіць пад пагрозаю спажывецкай культуры ды аб патрэбе аднаўленьня чалавечага сэрца
так, каб чалавек здолеў ахвяраваць сябе ў дары. На думку Папы найважнейшым выклікам,
які стаіць сёньня перад Касьцёлам, гэта зрабціць прысутным Бога ў нашым грамадзтве. На
заканчэньне сустрэчы Папа Бэнэдыкт 16, разам з групаю моладзі, наведаў Ватыканскія
Гроты. Там маліўся пры гробе Яна Паўла ІІ. Бэнэдыкт 16 заахвоціў моладзь да насьледаваньня
шчырай веры свайго папярэдніка.
Яшчэ у чацьвер 6-га красавіка Папа прыняў на
прыватнай аўдыенцыі былога прэм”ера Ізраіля Шымона Пэрэза. Як паінфармавала Ватыканскае
Прэсавае Бюро ў часе сустрэчы абмеркавана, між інышм, сітуацыю на Сьвятой Зямлі, згодна
асуджана ўсялякага роду формы тэрарызму, як таксама абмеркавана адносіны паміж Ізраілям
а Ватыканам. Шымон Пэрэз запрасіў Папу Бэнэдыкта 16 да наведаньня Ізраіля.