Межрылігійнае спатканне, арганізаванае суполкай Святога Эўгідыя пройдзе ў ЗША.
У гэтым годзе суполка святога Эўгідыя правядзе сваю першую міжнародную сустрэчу ў
Паўночнай Амерыцы. Яе тэма: “Рэлігія і культура: мужнасць дыялогу”. Мерапрыемства,
кіраваць якім будзе арцыбіскуп Вашынгтонскі, кардынал Тэадор МакКаррык, пройдзе ў
Джорджтаўнскім універсотэте 26 – 27 красавіка. Удзельнікі спаткання абмяркуюць
практычныя і тэарытычныя шляхі па пераадоленню ідэалогіі “сутыкнення цывілізацый”
і наладжванню дыялога паміж прыхільнікамі розных рэлігій. Сярод праблемаў, якія будуць
абмяркоўвацца, рэлігія і тэрарызм, галеча ў ХХI стагоддзі, роля святых кніг у стварэнні
новага гуманізма, рэлігійныя традыцыі і глабалізацыя, а таксама іншыя праблемы. Чакаецца,
што ў спатканні возьме ўдзел галоўны рабін Iзраіля Йона Метцгер, рэктар Каірскага
універсітэта Ахмед Аль-Тайіб, старшыня Сусветнай рады метадыстаў Санді Мбанга, старшыня
Канфярэнцыі еўрапейскіх Цэркваў Арнольд де Клермон, а таксама некаторыя каталіцкія
ерархі. Усяго ў спатканні возьмуць удзел дэлегаты з 30 краінаў свету.