Каталіцкі штотыднёвік " Хрысціянская сям'я" (Famiglia cristiana) выпусціў брашуру-
дасье да гадавіны з дня смерці Папы Яна Паўла 2-га.
Назвалі гэты агляд "Веліч Папы, які змяніў гісторыю". - БЕЗ ЯГО НЕМАГЧЫМА ДА
КАНЦА ЗРАЗУМЕЦЬ 20 СТАГОДДЗЕ - сцвярджаюць аўтары. І тлумачаць гэтую думку: " Ён
змяніў Царкву, зноў уклаўшы ў Яе пачуццё хвалявання за Эвангелле. Ён абудзіў усіх.
Ён прыклікаў глядзець шырэй і,як казаў у Энцыкліцы Dominium et vivificantem "Госпада
і Жыццядаўцу" -" неабходна выйсці на прасцягі жыцця." Як выказваецца
суайчыннік польскага Папы кардынал Глемп,"ён змяніў гісторыю мужнасцю веры".Французскі
кардынал Рожэ Этчегерай у гэтай публікацыі паказвае выключную сілу малітвы папы,
што нас пакінуў летась. Прыводзяцца і пранікнёныя словы Папы Бенедыкта 16 з першага
паслання ,дзе з глыбокім хваляваннем ён прыпамінае вялікага аднадумцу, свайго папярэдніка
на Пятровым пасадзе.