Сімпозіўм у папскім рускім каледжы "Russicum" аддаў даніну памяці першаму рэктару
айцу-езуіту Вендаліну Яворку.
У 1929 годзе Папа Пій 11 стварае ў Рыме гэтую духоўную семінарыю. Ад самога пачатку
ў гэтай святой справе ўдзельнічае славацкі святар Яворка. Ён кіруе рэстаўрацыямі
і пабудовай памешканняў "Руссікума" і прылягаючых да яго царквы Святога Антонія і
Ўсходняга навукова-даследчага папскага Інстытута, потым стаецца рэктарам. Незвячайны
лёс гэтага чалавека, якому была прысвечаная гэтая сакавіцкая канферэнцыя дзеля 40-годдзя
з дня ягонае смерці. Нарадзіўся у 1882 годзе ў Цэнтральнай Славакіі, у 1903 уступіў
у Таварыства Ісусавае.У 1915 годзе - рукапаложаны ў святары. У гады 1 Сусветнай
вайны служыць франтавым капелянам. Пасля яе заканчэння пераходзіць ва ўсходне-каталіцкі
абрадсі займаецца пастырствам сярод грэкакаталікоў. Праз некалькі год пакідае
ўжо ўтрываную паству ў Рыме і пераязджае ў Харбін, дзе наталяе мясцовую грэка- і рымакаталіцкую
грамаду па ўсяе Манчжурыі, выязджае таксама да рускіх католікаў у Шанхай. Напрыканцы
ўжо 2 Сусветнай вайны атрымлівае накіраванне на працу ў Румынію, - працуе ў езуіцкім
цэнтры ў Чарнаўцах.У 1945 годзе тут яго напаткае арышт з боку новай улады - Савецкай.
Яго прыгаворваюць да 10 год прымусовых працаў у канцлагерах па абвінавачанню "у шпіянажы
на карысць Ватыкану". Прыйшоўшы розныя этапы Гулагу, у 1954 годзе айцец Яворка вызвалены
і вяртаецца на радзіму - у Славакію. Але без права на адкрытую святарскую дзейнасць
па загаду тагачасных ўладаў. Напырканцы сакавіка 1966 года айцец-езуіт Вендалін
Яворка памірае. У 1990 годзе Пракуратура СССР рэабілітуе яго у якасці "бязвіннай
ахвяры антырэлігійных пераследванняў камуністычным рэжымам". Пра гэтыя
і іншыя факты з жыцця сціплага манаха-езуіта, першага рэктара рымскага каледжу Руссікум
прыпомнілі выкладчыкі і студэнты 3 тысячагоддзя, у першую чаргу - браты-славяне, што
тут моляцца, вучацца і выкладаюць.