Статыстыка па веравызнаннях у Балгарыі была прыведзеная на Канферэнцыі "Рэлігіі
ў Еўропе і будучыня праваслаўя".
Зарганізаваная яна была рускім культурна-інфармацыйным Цэнтрам у Сафіі і балгарскай
навукова-даследчаю Групай рэлігійна-філасофскіх парадзігмаў. Менавіта вучоныя -
прадстаўнікі розных даследчых і навучальна-вышуковых устаноў - падалі да ведама ўдзельнікаў
наступныя лічбы: 6 млнаў жыхароў Балгарыі заявілі,што з'яўляюцца праваслаўнымі, а
каля 70 тысяч - католікамі. У адрозненні ад праваслаўных, з якіх толькі палова ўдзельнічае
ў Боскай Літургіі, католікі, у тым ліку і грэцкага абраду, рэгулярна бываюць у царкве.
Хрысціяне тут прадстаўленыя таксама 50-цю тысячамі паслядоўнікаў традыцыйнага пратэстантызму.
Прыкладна такая ж колькасць людзей належыць да новых рэлігійных рухаў. 3 з паловай
тысячы балгараў вызнаюць юдаізм. А вось мусульманаў у Балгарыі - 750 тысяч, 10 частка
якіх належыць не да сунітаў,а да умераных шыытаў (казылбашы). Да фундаменталісцкіх
плыняў Ісламу называюць сябе прыналежнымі некалькі сотняў чалавек. Прыкладна
7 адсотак студэнтаў і інтэлектуалаў Балгарыі лічаць сябе абсалютнымі атэістамі,але,
негледзячы на гэта, нават яны выявілі ў працэсе апытання, што маюць вялікае зацікаўленне
да гісторыі і філасофіі рэлігій, а таксама да багаслоўя. Спадар Стэфан Пенаў,супрацоўнік
нацыянальнай Акадэміі навук, саветнік некалькіх урадавывх камісій па веравызнаннях
, падаючы ўдзельнікам канферэнцыі гэтую статыстыку, спаслаўся і на тое, што, з улікам
даследванняў Эдынбургскага універсітэта ў апошнія 10 год, колькасць мусульманаў па
цэлым свеце імкліва ўзрастае і ў абсалютных лічбах можа праз кароткі час асягнуць
колькасці католікаў. падобныя тэндэнцыі прысутнічаюць і ў Балгарыі, насельніцтва
якой сёння налічвае млнаў чалавек.