500 год адзначаюць Музеі Ватыкана - хавальнікі самых каштоўных экспанатаў чалавечах
цывілізацый.
Менавіта калекцыі Папаў Рымскіх сталіся прыкладам для стварэння збораў каштоўнасцей
па цэлым свеце. У 1506 годзе Папа Юлій 2 усталяваў на іх аснове музеі. Зараз у
Ватыкане да свята
прымеркавалі адкрыццё, пасля 5 год рэстаўрацыйных працаў, Хрысціянскага музея. Тут
перахоўваюцца,напрыклад, прадметы адпраўлення патаемных хрысціянскіх Літургій для
першахрысціянаў Вечнага гораду ў катакомбах, магчыма, самімі першаапосталамі Пятром
і Паўлам. У першыя тры стагоддзі хрысціянства гэта каштавала жыцця многім з паслядоўнікаў
Хрыста, якія і перад пагрозаю смерці не адмаўляліся сваёй веры. Сучасны Хрысціянскі
музей быў складзены ў 1750 гг. Папам Бенедыктам 14, як ён адзначыў тады, "для дэманстрацыі
велічы Рыма і пацверджання праўдаў хрысціянскае рэлігіі. На ўрачыстасці перарэзвання
стужкі і адкрыцця святкавання 500-годдзя музеяў Ватыкану іхны дырэктар Франческо Буранеллі,
у прыватнасці. адзначыў: " Нам 500, але мы ёсць жывым музеем.-- Прыкладаем
шмат намаганняў..каб памоцніць экспазіцыйныя магчымасці і наогул культурны ўплыў,..пра
што Ватыкан заўсёды клапоціцца ў сваёй Эвангелізатарскай дзейнасці Царквы."
Дырэктар Франческо Буранеллі прыпомніў, што пачаткам калекцый Юлія 2-га сталася знаходка
на развалах Рымскага форуму Лаакоона - славутай скульптурнай групы, што і дала пачаткак
сістэматызаванаму збору шэдэўраў скульптуры, жывапісу, у першую чаргу, святога іконапісу,
габеленаў і кніг - Святога пісьма і свецкіх. Каштоўнасць жа калекцыі Хрысціянскага
музея, у якую ўваходзіць мноства дробных прадметаў эпохі першых стагоддзяў пасля Раства
Хрыстовага, у тым, што яна дорыць магчымасць сучаснаму чалавеку мець уяву не толькі
аб рэлігійным, але й пабытовым жыцці нават амаль 2-хтысячагадовай даўніны. Юбілейныя
ўрачыстасці маюць багаты каляндар.У бліжэйшы час адчыняцца для ўсіх наведвальнікаў
музеяў Ватыкану дзве новыя сэкцыі, дагэтуль даступныя толькі супрацоўнікам: Заля
таямніцы, распісаная славутым Пенторіккьё, і Этнаграфічная місіянарская экспазіцыя.
У ёй упершыню можна будзе ўбачыць інсталяцыю Акропаля Старажытнага Рыму.