Старонкi з Кампендiума сацыяльнай навукi Каталiцкай Царквы.
б) Адкрыццё трынiтарнай Любовi. 30 Аўтары Новага Запавету, у вечна новым
захапленнi, якое ахоплiвае кожнага, хто адчуў невыказную Божую любоў (пар. Рым
8, 26), знаходзяць у святле поўнага адкрыцця трынiтарнай Любовi, якую прынесла
нам Пасха Езуса Хрыста, галоўнае значэнне ўцелаўлення Сына i Яго мiсii сярод людзей.
Святы Павел пiша: “Калi Бог за нас, хто супраць нас? Той, Якi Сына Свайго не пашкадаваў,
але ахвяраваў Яго за ўсiх нас, як з Iм не даруе нам усяго?” (Рым 8, 31-32).
Аб тым жа самым гаворыць i святы Ян: “У тым любоў, што не мы палюбiлi Бога, але Ён
палюбiў нас i паслаў Сына Свайго як ахвяру перамольную за грахi нашы” (1 Ян 4,
10). 31 Твар Божы, якi паступова адкрываецца ў гiсторыi збаўлення, у поўнi
сваёй ззяе ў Твары Езуса Хрыста Укрыжаванага i Уваскрослага. Бог ёсць Троiцай: Айцец,
Сын i Святы Дух, яны сапраўды розныя i сапраўды адно, таму што яны – бясконцая агульнасць
любовi. Бескарыслiвая Божая любоў да чалавецтва адкрываецца, перад усiм, як першапачатковая
любоў Айца, ад Якога ўсё паходзiць; як бескарыслiвыя зносiны, у якiя яе пераўтварае
Сын, нанова перадаючы Сябе Айцу i прапануючы Сябе людзям; як вечна новая плоднасць
Боскай любовi, што паходзiць ад Святога Духа ў сэрцы людзей (пар. Рым 5, 5). Словамi
i справамi, а таксама, у поўнi i канчаткова, уласнай смерцю i ўваскрасеннем, Езус
Хрыстус адкрывае чалавецтву, што Бог ёсць Айцом i што ўсе мы заклiканы Божай ласкай
зрабiцца ягонымi дзецьмi ў Духу (пар. Рым 5, 15; Гал 4, 6), а
значыць братамi i сёстрамi адзiн аднаму. Менавiта з гэтай нагоды Царква цвёрда
верыць, што “ключ, засяроджанасць i мэта ўсёй чалавечай гiсторыi знаходзяцца ў яе
Пане i Настаўнiку”. 32 Сузiраючы боскi Айцоўскi дар Сына, бескарыслiвы i найвялiкшы,
аб якiм Езус вучыў i сведчыў, аддаючы за нас Сваё жыццё, Апостал Ян раскрывае яго
глыбокi сэнс i самы лагiчны вынiк: “Улюбёныя! Калi так палюбiў нас Бог, то i мы
павiнны любiць адзiн iншага. Бога нiколi нiхто не бачыў. Калi мы любiм адзiн аднаго,
то Бог у нас знаходзiцца, i любоў Яго дасканалай ёсць у нас” (1 Ян 4, 11-12).
Узаемнай любовi патрабуе прыказанне, якое Езус называе новым i Сваiм: “як Я палюбiў
вас, так i вы любiце адзiн iншага” (Ян 13, 34). Прыказанне ўзаемнай любовi
ўказвае, як жыць у Хрысце трынiтарным жыццём у Царкве, Целе Хрыстовым, i пераўтвараць
разам з Iм гiсторыю, пакуль яна не асягне кульмiнацыi ў нябесным Ерусалiме. 33
Прыказанне ўзаемнай любовi, якая ёсць законам жыцця Божага народа, павiнна натхняць,
ачышчаць i ўзвышаць усе чалавечыя адносiны ў грамадскiм i палiтычным жыццi: “Быць
чалавекам значыць быць заклiканым да зносiнаў памiж асобамi”, бо гэта вобраз i падабенства
Бога-Троiцы сутнасць-корань “усяго чалавечага “этнаса”…, якi асягае сваёй вершынi
ў прыказаннi любовi”. Сучасны культурны, сацыяльны, эканамiчны i палiтычны феномен
узаемнай залежнасцi, iнтэнсiфiкуючы i робячы асаблiва вiдавочнымi сувязi, што злучаюць
чалавечую сямью, чарговы раз указвае, у святле Адкрыцця, на “новую мадэль еднасцi,
адлюстраванне ўнутранага жыцця Бога, адзiнага ў трох Асобах, ёсць тым, што мы, хрысцiяне,
акрэслiваем словам “зносiны””. III. Чалавечая асоба ў Божай задуме любовi. а)
Трынiтарная Любоў, крынiца i мэта чалавечай асобы 34 Адкрыццё ў Хрысце таямнiцы
Бога як трынiтарнай Любовi – гэта адначасова i адкрыццё аб паклiканнi чалавечай асобы
да любовi. Гэта адкрыццё высвятляе да самых глыбiняў годнасць асобы i свабоду мужчынаў
i жанчынаў i чалавечую «сацыяльнасць»: «Быць асобай, створанай на ўзор i падабенства
Божае, - значыць… iснаваць у зносiнах, у стаўленнi да iншага «я», таму што Сам трыадзiны
Бог з'яўляецца зносiнамi памiж Айцом, Сынам i Святым Духам. У агульнасцi любовi,
якая ёсць Богам – у Iм тры боскiя Асобы любяць адна iншую i сутнасць яе – Адзiны Бог,
- чалавечая асоба заклiкана знайсцi крынiцу i мэту ўласнага iснавання i гiсторыi.
У пастырскай канстытуцыi “Gaudium et spes” Айцы Сабору вучаць, што, “калi
Пан Езус молiцца Айцу: “няхай будуць усе адзiным… як Мы адзiныя” ( Ян 17,
21-22), Ён адкрывае неасягальныя для чалавечага розума перспектывы i паказвае на пэўнае
падабенства памiж еднасцю боскiх асобаў i еднасцю сыноў Божых у праўдзе i любовi.
Гэтае падабенства паказвае, што чалавек – адзiнае на зямлi стварэнне, якое Бог пажадаў
стварыць дзеля яго самога – магчыма ў поўнi знайсцi самога сябе толькi праз сапраўднае
самавыяўленне. (пар. Лук 17, 33). 35 Хрысцiянскае адкрыццё па новаму
высвятляе iдэнтычнасць, паклiканне i канчатковы лёс чалавечай асобы i чалавечага роду.
Кожная асоба, створаная Богам, улюбёная i выратаваная ў Езусе Хрысце, пачынаючы сваю
шматбаковую дзейнасць у свеце, рэалiзуе сябе праз шматлiкiя адносiны любовi, справядлiвасцi
i салiдарнасцi з iншымi людзьмi. Калi чалавечая дзейнасць сцвярджае агульную годнасць
i паклiканне асобы, якасць умоў жыцця, наблiжэнне i салiдарнасць народаў i нацый,
яна адпавядае задуме Бога, Якi нiколi не стамляецца выяўляць Уласную любоў i Уласны
Провiд Сваiм дзецям. 36 Старонкi першай кнiгi Святога Пiсання, на якiх гаворыцца
аб стварэннi мужчыны i жанчыны на ўзор i падабенства Бога (пар. Быц 1,
26-27), утрымлiваюць найважнейшую навуку аб iдэнтычнасцi i паклiканнi чалавечай
асобы. На гэтых старонках гаворыцца, што стварэнне чалавека – свабоднае i бескарыслiвае
дзеянне Бога; што мужчына i жанчына, з улiкам таго, што яны вольныя i маюць розум,
яны падобныя на Бога; i што толькi ў зносiнах з Iм яны могуць знайсцi i ажыццявiць
сапраўдны i поўны сэнс iндывiдуальнага i сацыяльнага жыцця; што яны, менавiта дапаўняючы
адзiн аднаго, з’яўляюцца вобразам трынiтарнай Любовi ў створаным сусвеце; што iм,
вяршынi стварэння, Творца даручае ўдасканалiць, згодна Яго задуме, створаную прыроду
(пар. Быц 1, 28).