Карабель-царква дапаможа пастырам наталяць католікаў Бразіліі.
Міжнародны дабрачынны фонд "Дапамога Царкве ў патрэбе" дае магчымасць вернікам Амазоніі
з дыяцэзіі Алту-Солімоінс маліцца ў сапраўдным касцёле.Ім вылучаны грошы на збудаванне
некалькіх плывучых хрысціянскіх храмаў. Міжнародны дабрачынны фонд з невялікага Кёнігштайна
ў Германіі ўжо мае вопыт такога роду: ён канкрэтна дапамагаў у пабудове трох караблёў-цэркваў
у Валгаградскай епархіі Рускай Праваслаўнай Царквы. Цяперайшая ініцыятыва выкліканая
сапраўднай духоўнаю смагаю.Вялізная тэрыторыя - а плошча дыяцэзіі - больш за 130 000
кв км, дзе жыве больш за 100 000 католікаў , не мае дастаткова кацёлаў. Вёскі раскіданыя
ўздоўж рэк Ріў-Іса і Ріў-Солімоінс. Служаць у гэтым цяжкадаступным раёне Бразіліі
13 святароў. Як расказвае адзін з іх, манах-капуцын з Італіі айцец Джыно Альбераці,
вельмі актыўнымі тут з"яўляюцца сэкты. Яны імкнуцца, карыстаючыся цяжкасцямі жыцця
ў гэтай зоне, звесці хрысціянаў на няправедны шлях. Дык місіянары і мясцовыя ксяндзы
вельмі ўдзячныя дабрачыннаму Фонду, бо плывучыя капліцы акажуць вялікую дапамогу
ў пастырскай справе.