На Папскім Урбаніяньскім Унівэрсытэце ў Рыме працягваецца трохдзённы сімпозіўм, які
прысьвечаны 40-а годдзю дэкрэту “Ад Джэнтэс” Другога Ватыканскага Сабору аб місійнай
дзейнасьці Касьцёла. Як сказаў нашаму радыё арцыбіскуп Гозэр: “Сабаровы дэкрэт “Ад
Джэнтэс” аб місійнай дзейнасьці Касьцёла надалей вельмі актуальны. Мы жадаем адчытаць
яго пасьля 40-а гадоў у новым кантэксьце, менавіта не толькі ў разьвіцьці сьвядомасьці
Касьцёла на працягу ўсіх гадоў пасьля сабаровага навучаньня, дзе быў вялікі ўклад
чарговых Рымскіх Папаў ( Паўла 6, Яна Паўла ІІ з яго энцыклікаю “Redemptoris misio”),
але таксама ў кантэксьце сёньняшняе сітуацыі Касьцёла і сьвету. Ён яшчэ дадаў, што
Касьцёл разьвінуўся хутка і вельмі дынамічна ў, так званых, місійных краінах. Адначасна
сьвет падвяргаецца вельмі хуткім пераменам і становіць новы, вялікі місійны выклік
для ўсіх веруючых. Мы жадаем—дадаў арцыбіскуп Госэр—каб гэтая сустрэча была часам
задуманьня і глыбокага сабаровага навучаньня ўзбагачанага чарговымі гадамі роздумаў. У
сімпозіўме ўдзельнічаюць спэцыялісты з каталіцкіх унівэрсытэтаў сьвету як таксама
члены Найвышэйшага Камітэту Папскіх Місійных Учынкаў, якія прадстаўляюць ўсе кантынэнты.