"Адроджаная мячэць
Кул Шаріф - галоўны падарунак да 1000-годдзя Казані - папоўнілася ўнікальным музеем
Ісламу, якога няма ў аніводным мусулманскім храме свету",- сказаў на адкрыцці ўстановы
старшыня Рады Муфтыеў Расіі шэйх Равіль Хазрат Гайнутдзін. Ён падкрэсліў яшчэ наступнае:"Тут
адроджаны дух Іслама. Гэтая хавальніца гісторыі рэлігіі ўнікальная яшчэ й тым, што
спалучаная са шматвекавой гісторыяй і культурай татарскага народа." Сапраўды
старажытныя экспанаты сабраныя ва ўнікальнай калекцыі. Гэта каменныя помнікі 10-га
-- 11-га стагоддзяў,знойдзеныя на тэрыторыі былой Волскай Булгарыі, рукапісы святых
кніг Карану ад 18-га стагоддзя, намазлыкі - малітоўныя дываны, пацеркі, компасы са
стрэлкай, што заўсёды ўказвае на Мекку. Музей сустракае ўсіх макетам галоўнай мусульманскай
святыні - камянём Каабы. Да ЯГО ў Мекку, у запаведную мячэць штогод пілігрымуюць
на хадж мільёны мусульманаў з розных кантынентаў Зямлі.
Як паведаміла журналістам дырэктар музея пры мячэці Кул Шаріф спадарыня Роза Мухаметшына,
у ягоным стварэнни прынялі ўдзел багасловы,гісторыкі ,археолагі Татарстана і іншых
рэгіёнаў Расіі, а таксама краін СНД, Егіпта, Ірана, Саўдаўскай Аравіі, Турцыі.За
тры гады сабрана больш за 2 тысячы экспанатаў ,якія расказваюць пра гісторыю і асновы
Ісламу, ўзаемапранікнення Іслама і дзяржавы, грамадства ды сям'і.