Дзень 3 сакавіка ўпісаўся залатымі літарамі ў гісторыю Ватыканскага Радыё. Сьвяцейшы
Айцец, як шосты Рамскі Папа наведаў сядзібу сваёй радыёстанцыі. Былі гэта 13 адведзіны
Наступніка Пятра ў Ватыканскім Радыё. Сёньня мы больш падрабязна раскажам пра гэты
візіт. Візіт Сьвяцейшага Айца трываў паўтары гадзіны. Пачаўся малітваю ў адноўленай
Студыі 3, якая ад сёньня называецца студыя кардынала Кароля Вайтылы ды затым Папа
сеў перад мікрафонам гэтае студыі і на жыва прывітаў ўсіх слухачоў нашага радыё.
Прыпомніў, што адкрываючы радыёстанцыю 75 гадоў таму назад Папа Пій 11 даў новы голас
Сьвятой Сталіцы, а нават усяму Касьцёлу і Богу. Вашае радыё- падкрэсьліў Папа- не
толькі гаворыць, але вядзе дыялог, каб зразумець і адказаць на найважнейшыя пытаньні,
ствараючы такім чынам Божую сям”ю. Мне здаецца, што ў гэтым менавіта заключаецца
значэньне гэтага радыё- сказаў Сьвяцейшы Айцец - значыць дапамагаць у пабудове вялікай
сям”і, ў якой ,ў разнароднасьці культур і моваў усе зьяўляюцца братамі і сёстрамі,
дзякуючы чаму стаюцца сілаю міру. Затым Папа Бэнэдыкт 16 маліўся ў нашай капліцы
Дабравешчаньня. Адсюль ідуць ў эфір літургічныя праграмы. Папа сустрэўся з усімі
супрацоўнікамі праграм нашае радыёстанцыі. На заканчэньне візіту сказаў кароткую
прамову, ў якой яшчэ раз падкрэсьліў значэньне нашага Радыё для ўсіх веруючых. Сказаўшы,
між іншым, што калі камунізм пашырыў сваё дамінаваньне ў многіх краінах цэнтральнае
і ўсходняе Эўропы ды таксама і ў іншых частках сьвету, Ватыканскае Радыё пабольшыла
лік праграмаў і моваў, каб дайсьці да хрысьціянскіх супольнасьцей гэтых краін, захопленых
таталітарным рэжымам, ды перадаваць сьведчаньні блізкасьці і салідарнасьці Папы і
Сусьветнай Царквы. На заканчэньне сваёй прамовы, Папа заахвоціў журналістаў нашага
радыё, каб надалей верна перадавалі навучаньне Каталіцкага Касьцёлу ды выказваючы
прызнаньне для дагэтуляшняе працы,Сьвяцейшы Айцец надзяліў на ўсіх працаўнікоў і слухачоў
нашага радыё сваё Апостальскае блаславенства.