Në fillim të programit të 2 marsit ja argumentet kryesore: këtu mund të ndiqni emisionin
e plotë.
Ati i Shenjtë takoi sot në Vatikan meshtarët-famullitarë të dioqezit të Romës. Nesër
Papa Benedikti XVI do të vizitojë Radio Vatikanin me rastin e 75-vjetorit themelimit
të kësaj radioje. Në Shkodër dhe në Lezhë përkujtohet 60-vjetori i pushkatimit
të jezuitëve Atë Giovanni Fausti dhe Atë Daniel Dajani. Atentat në Pakistan afër
Konsullatës Amerikane në prag të vizitës së presidentit Bush. Presidenti i Kosovës
Fatmir Sejdiu ngarkoi z. Agim Çeku për formimin e qeverisë së re. Parlamenti shqiptar
i ndërpreu përsëri punimet sot pas përjashtimit nga seanca të katër deputetëve socialistë. Duke
shfletuar kalendarin fetar përkujtojmë Shën Simplicin Papë, ndërsa nga kalendari historik
veçojmë sot mbledhjen e Kuvendit të Lezhës, në 1444, dhe vrasjen e patriotit Luigj
Gurakuqi në 1925.