Адбылася яна на Плошчы Сьвятога Пятра. Міма халаднаватага надвор”я на сустрэчу з
Папам прыбыло многа вернікаў і паломнікаў з кожнага кутку сьвету. А была гэта ўжо
9 сустрэча Папы Бэнэдыкта 16 з вернікамі ў гэтым годзе. Сёньняшнюю катэхэзу Сьвяцейшы
Айцец прысьвяціў Вялікаму Посту, які Каталіцкая Царква пачала 1 сакавіка. Літургіяю Папяльцовае
Серады Касьцьцёл пачынае 40 дзённы пост. Абмяркоўвае ў гэтым часе збаўчыя таямніцы
мукаў і сьмерці Хрыста а на заканчэньне Пасхальнага Трыдуума таямніцу Яго Уваскрасеньне. Прыпамінае
аб патрэбе пакуты- працягваў Папа- і заахвочвае, каб яшчэ раз перажыць з Ісусам 40
дзён Яго посту і малітвы на пустыні. Пасыпаючы нашыя голавы попелам Касьцёл нам
прыпамінае аб прамінаньні нашага земскага існаваньня. Хай гэты знак- сказаў далей
Сьвяцейшы Айцец—усьвядоміць нам, што на рэчаіснасьць, якая нас акружае ( асабліва
патрэбы бліжніх) трэба глядзець вачыма міласэрнага Хрыста. Хай нашая вялікапосная
чуйнасьць- сказаў на заканчэньне сваей катахэзы Папа Бэнэдыкт 16—будзе багатаю ў малітвы,
хай будзе зьбераганы пост і нашыя сэрцы хай адкрыюцца на патрэбы братоў. Абмяркоўваючы
Слова Божае разам з Маці Хрыста ўглядаймася на Крыж Збавіцеля, каб на заканчэньне
гэтага пэрыяду з чыстым сэрцам і адноўленым духам перажываць радасьць Вялікодных
Сьвятаў. На заканчэньне аўдыенцыі Папа Бэнэдыкт 16 сказаў сваю прамову ў іншых
мовах ды прывітаў усіх, асабліва хворых, моладзь ды новыя шлюбныя пары, надзяляючы
на ўсіх сваё Апостальскае Блаславенства.