Ja argumentet kryesore e lajmet shkurt të 28 shkurtit
Urimet dhe inkurajimet e Papës Benediktit XVI për promovimin e kulturës dhe solidaritetit
në fushën e ekonomisë. Në telegramin drejtuar Konferencës Ndërkombëtare mbi Mikrokredinë. U
paraqit në sallën e shtypit të Vatikanit dokumenti i Selisë Shenjtë “Udhëzimet për
baritorinë e popujve endacakë. Në Shqipëri po përgatitet përkujtimi i martirëve
të komunizmit Atë Giovanni Faustit dhe Atë Daniel Dajanit. Ndërsa në Kosovë kisha
përkujtoi dy ipeshkvijtë e ndjerë Imzot Nikë Prelën dhe Imzot Mark Sopin, së bashku
me presidentin Ibrahim Rugova. Nga sulmet me bomba në Bagdad, Irak u vranë 32 persona
dhe u shkatërrua varri i babait të Sadam Hyseinit. Gjithashtu një sulm i ri por pa
viktima u krye kundër një autokolone italiane në Nasiri. U shtynë për nesër bisedimet
mes Rusisë dhe Iranit për programin bërthamor që ka ndërmarrë udhëheqja politike e
Teheranit. Në 2008 Shqipëria, Kroacia dhe Maqedonia shpresojnë të hyjnë bashkarisht
në NATO. Qytetarët e Malit të Zi do të votojnë me 21 maj për referendumin për shkëputjen
e vendit nga unionit Serbi-Mal i Zi Nga kalendari i ditës veçojmë Shën Karl Njokin
dhe përvjetorin e vdekjes së ideologut të Rilindjes Shqiptare Jeronim de Radës Ndërsa
duke shfletuar kalendarin historik, me 28 shkurt përkujtojmë ideologun e Rilindjes
Kombëtare, poetin Jeronim de Rada në përvjetorin e vdekjes.