Канфлiкт памiж мусульманамi i хрысцiянамi ў Нiгерыi.
У Нiгерыi ўзмацнiлася супрацьстаянне памiж мусульманскай i хрысцiянскай грамадамi.
Нагодай да гэтага паслужыла публiкацыя ў еўрапейскай прэсе карыкатур на прарока Мухаммеда.
Толькi за апошнiя суткi ў сутыкненнях на рэлiгiйнай глебе загiнула 24 асобы. У паўночнанiгерыйскiм
горадзе Баучы ад рук мясцовых мусульманаў загiнула ўжо 18 хрысцiянаў. У адказ на гэта
хрысцiяне з поўдня краiны забiлi 6 мусульманаў i спалiлi 2 мячэцi ў горадзi Онiтша. Агульная
колькасць ахвяраў канфлiкту на 22 лютага асягнула 49 чалавек: 18 з iх загiнулi 18
лютага пад час пагромаў у горадзе Майдугурi, а яшчэ 7 былi забiты 20 лютага ў згаданым
вышей горадзе Баучы. Нагадаем, што нагодай да супрацьстаяння паслужылi карыкатуры
на прарока Мухаммеда, якiя былi надрукаваныя ў адной з датскiх газетаў у вераснi 2005
года. Некаторыя еўрапейскiя выданнi перадрукавалi iх у знак абароны свабоды слова,
што выклiкала вялiкую незадаволеннасць сярод мусульманаў усяго свету. Хваля “карыкатурнай
вайны” асягнула Нiгерыi 18 лютага бягучага года. У гэты дзень у горадзе Майдугуры,
якi знаходзiцца на поўначы краiны, былi спаленыя 15 хрысцiянскiх храмаў, абрабаваныя
шматлiкiя крамы, якiя належалi хрысцiянам. Большасць загiнулых склалi хрысцiяне, забiтыя
раз’юшаным натоўпам. Паведамляецца, што ў лiку ахвяраў 3 дзетак i каталiцкi святар.
Палiцыя ўжо затрымала некалькi дзясяткаў чалавек – завадатараў i актыўных удзельнiкаў
пагрому. Наша даведка: Нiгерыя – адна з самых густанаселеных краiнаў Афрыкi. Яе
насельнiцтва складае каля 130 мiльёнаў чалавек. Хрысцiяне жывуць пераважна на поўднi
краiны, у той час як паслядоўнiкi iсламу складаюць большасць насельнiцтва на поўначы.
Пачынаючы з 2000 года ў вынiку сутыкненняў на рэлiгiйнай глебе ў Нiгерыi ўжо загiнулi
тысячы людзей.