23 лютага ў гэтым Бразылійскім горадзе закончылася ІХ Агульнае Зграмаджаньне Сусьветнае
Рады Цэркваў. Кардынал Каспэр, які ўдзельнічаў у гэтай сустрэчы падзяліўся сваімі
ўражаньнямі ў Папскім Унівэрсытэце “Рэджына Апостолёрум” ( Каралева Апосталаў). Да
прысутных слухачоў кардынал Каспэр сказаў:, між іншым, “што-раз большыя падзелы ў
пратэстанцкім сьвеце робяць немагчымым экумэнічны дыялог. Гэта зьяўляецца таксама
праблемаю для Папскае Рады да спраў Падтрымліваньня Адзінства Хрысьціян, якой нялёгка
ўстанавіць, з кім яго весьці”. У Порто Алегрэ мы былі прынятыя вельмі прыязна-
сказаў кіраўнік Ватыканскае ўстановы да спраў экумэнізму. Я перадаў ліст Папы Бэнэдыкта
16 да ўдзельнікаў сустрэчы. Ліст Папы выслухана з ўвагаю. Аднак слухаючы розных
высказваньняў мелася ўражаньне, што пратэстанты падвяргаюцца далейшым падзелам і самі
не ведаюць, куды ідуць”. Нямецкі кардынал яшчэ сказаў, што дыялог з Усходнімі Цэрквамі
ідзе ўперад, за тое маюцца цяжкасьці з супольнасьцямі, якія выраслі з рэфармацыі.
Ды на заканчэньне сустрэчы у Рымскім Унівэрсытэце “Рэджына Апостолёрум” кардынал
Каспэр падрэсьліў, што адзінаю дарогаю выхаду з цяперашняга крызісу зьяўляецца “Духоўны
экумэнізм”. Неабходная малітва, бо поўнае адзінства гэта перад усім Божы дар.